Kevin Durant með ofurhæga risatroðslu hjá Slow Mo Guys

Þeir Gavin Free og Daniel Gruchy hafa um ára bil skemmt notendum Youtube með því að taka upp hinar ýmsu athafnir á miklum hraða og í hárri upplausn á rásinni Slow Mo Guys.

Innslög þeirra eru gríðarlega vinsæl á YouTube og horfa margar milljónir á hvert myndband. Kevin Durant, leikmaður Golden State Warriors, er einn besti körfuboltamaður heimsins og fengu þeir félagarnir kappann til að mæta og troða með stæl.

Svo var troðslan skoðuð ofurhægt eins og sjá má hér að neðan.