Prinsessan á Hövåg María Bjarnadóttir skrifar 2. febrúar 2018 07:00 Það er notalegt að fylgjast með alþýðleikanum hjá kóngafólkinu í Bretlandi. Eftirminninlegt var þegar Vilhjálmur prins og Katrín hertogaynja náðu loksins saman eftir sveiflukennd ár eins og í góðri rómantískri bíómynd. Daginn sem þau tóku trúlofuð á móti blaðamönnum með bláa hringinn hennar Díönu heitinnar héldu allar almúgastúlkurnar sem áttu dagdrauma um að verða einhvern tíma með lögheimili í Buckinghamhöll með sinni konu Katrínu. Fjölskyldan verður alþýðlegri með hverju árinu. Elísabet drottning þiggur niðurgreiðslur frá Evrópusambandinu eins og allir hinir bændurnir og landeigendurnir í landinu. Í bili í það minnsta. Karl sem tók saman við viðhaldið, hina sönnu drottningu hjarta hans. Afinn sem er alltaf að segja eitthvað óviðeigandi kominn á eftirlaun. Nú stendur yfir heimsókn Katrínar og Vilhjálms til starfssystkina á Norðurlöndum. Eins og allir sem eiga rétt á starfsþróunarstyrkjum frá stéttarfélaginu sínu vita getur verið mjög gagnlegt að fara í svona fræðsluheimsóknir til erlendra kollega og kynnast þeirra aðferðum við leik og störf. Í svona ferðum er einnig mikilvægt að skipuleggja frítíma, fara saman út að borða eða versla jafnvel eitthvað. Þetta vita Katrín og Vilhjálmur sem áttu gott spjall við sænska kollega sína um húsgögn samkvæmt fréttum. Alþýðleikinn draup auðvitað af okkar fólki þegar Katrín upplýsti að í herbergjum barnanna þeirra í Kensingtonhöll í London er að finna húsgögn frá ímynd alþýðleikans, kjötbolluframleiðandanum sjálfum IKEA okkar allra. Ánægjulegt og alþýðlegt að frétta að alvöru prinsessur, rétt og eins og við hinar, sofi á Hövåg en ekki baunum. Viltu birta grein á Vísi? Sendu okkur póst. Senda grein María Bjarnadóttir Mest lesið Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun Við fylgjum þér frá getnaði til grafar Benedikt S. Benediktsson Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason Skoðun Konur á örorku Sigríður Ingibjörg Ingadóttir,Steinunn Bragadóttir Skoðun Börn í meðferð eiga rétt á fagfólki orð duga ekki lengur! Steindór Þórarinsson Skoðun Ekki sama hvaðan gott kemur Magnea Gná Jóhannsdóttir Skoðun Greindarskerðing eða ofurgáfur með gervigreind Björgmundur Örn Guðmundsson Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun 112. liðurinn í aðgerðaáætlun í menntamálum? Ingólfur Ásgeir Jóhannesson Skoðun
Það er notalegt að fylgjast með alþýðleikanum hjá kóngafólkinu í Bretlandi. Eftirminninlegt var þegar Vilhjálmur prins og Katrín hertogaynja náðu loksins saman eftir sveiflukennd ár eins og í góðri rómantískri bíómynd. Daginn sem þau tóku trúlofuð á móti blaðamönnum með bláa hringinn hennar Díönu heitinnar héldu allar almúgastúlkurnar sem áttu dagdrauma um að verða einhvern tíma með lögheimili í Buckinghamhöll með sinni konu Katrínu. Fjölskyldan verður alþýðlegri með hverju árinu. Elísabet drottning þiggur niðurgreiðslur frá Evrópusambandinu eins og allir hinir bændurnir og landeigendurnir í landinu. Í bili í það minnsta. Karl sem tók saman við viðhaldið, hina sönnu drottningu hjarta hans. Afinn sem er alltaf að segja eitthvað óviðeigandi kominn á eftirlaun. Nú stendur yfir heimsókn Katrínar og Vilhjálms til starfssystkina á Norðurlöndum. Eins og allir sem eiga rétt á starfsþróunarstyrkjum frá stéttarfélaginu sínu vita getur verið mjög gagnlegt að fara í svona fræðsluheimsóknir til erlendra kollega og kynnast þeirra aðferðum við leik og störf. Í svona ferðum er einnig mikilvægt að skipuleggja frítíma, fara saman út að borða eða versla jafnvel eitthvað. Þetta vita Katrín og Vilhjálmur sem áttu gott spjall við sænska kollega sína um húsgögn samkvæmt fréttum. Alþýðleikinn draup auðvitað af okkar fólki þegar Katrín upplýsti að í herbergjum barnanna þeirra í Kensingtonhöll í London er að finna húsgögn frá ímynd alþýðleikans, kjötbolluframleiðandanum sjálfum IKEA okkar allra. Ánægjulegt og alþýðlegt að frétta að alvöru prinsessur, rétt og eins og við hinar, sofi á Hövåg en ekki baunum.
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun
Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun
Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun