Hrósar Suður-Kóreumönnum fyrir vel heppnaða leika

Kim Jong-un, leiðtogi Norður Kóreu, hefur sent frá sér yfirlýsingu þar sem hann hrósar Suður-Kóreumönnum fyrir vel heppnaða Vetrarólympíuleika og óskar þess að þíðan sem verið hefur í samskiptum landanna tveggja síðustu vikur haldi áfram.

Yfirlýsingin var send út um leið og systir leiðtogans, Kim Yo-jong, sneri aftur til Norður-Kóreu frá Ólympíuleikunum.

Kim Jong-un sagði í yfirlýsingunni leikana vera tilkomumikla.

Sú staðreynd að Norður-Kóreumenn skuli hafa sent sendinefnd á leikana er augjóst merki um batnandi samskipti, þrátt fyrir hina miklu spennu sem verið hefur á Kóreuskaga síðustu misserin, vegna kjarnorkutilrauna norðanmanna.