ÍBV með sigur á Fjölni

ÍBV vann sterkan útisigur á Fjölni í Olísdeild kvenna í dag en með sigrinum náði ÍBV að jafna Fram að stigum í 3. sæti deildarinnar.

Markahæst í liði Fjölnis var hún Berglind Benediktsdóttir en hún skoraði 8 mörk en næst á eftir henni var Andrea Jacobsen sem skoraði 6 mörk. Arna Þyrí Ólafsdóttir skoraði 5 mörk og Díana Ágústsdóttir skoraði 4 mörk.

Sandra Erlingsdóttir fór mikinn í liði ÍBV og skoraði 11 mörk í dag og var lykileikmaður í sóknarleik liðsins. Næst markahæst á eftir Söndru var Greta Kavaliuskaite með 6 mörk. Karólína Lárussdóttir og Kristrún Ósk skoruðu síðan 5 mörk hvor. Ester Óskarsdóttir skoraði 4 mörk.

Eftir leikinn er Fjölnir ennþá í neðsta sæti deildarinnar með 4 stig.