Snæfell og Keflavík með sigra

Snæfell bar sigurorð á Breiðablik í Dominos deild kvenna í dag á meðan Keflavík vann grannaslaginn gegn Njarðvík.

Kristen Denise McCarthy var stigahæst í liði Snæfells í sigrinum á Breiðablik en hún skoraði 28 stig en þetta er ekki í fyrsta sinn sem Kristen er stigahæst í sínu liði.

Stigahæst í liði Breiðabliks var Ísabella Ósk Sigurðardóttir með 16 stig en lokatölur leiksins voru 44-79.

Shalonda Winton átti stórleik fyrir Njarðvík og setti 41 stig, sem er meira en helmingur heildarstiga Njarðvíkur. Þessi stig duguðu þó ekki til þar sem Brittanny Dinkins skoraði 42 stig fyrir Keflavík og sá til þess að sitt lið stóð uppi sem sigurvegari. Frábær leikur hjá Dinkins sem tók einnig 11 fráköst á meðan Winton tók 28 fráköst.

Lokatölur leiksins voru 88-79 og því var það Keflavík sem vann grannaslaginn.

Keflavík: Brittanny Dinkins 42/11 fráköst/10 stoðsendingar, Thelma Dís Ágústsdóttir 19/6 fráköst, Birna Valgerður Benónýsdóttir 12/4 fráköst, Katla Rún Garðarsdóttir 7/4 fráköst, Irena Sól Jónsdóttir 4, Salbjörg Ragna Sævarsdóttir 2, Erna Hákonardóttir 2.

Njarðvík: Shalonda R. Winton 41/28 fráköst, Ína María Einarsdóttir 14, Hrund Skúladóttir 12, Björk Gunnarsdótir 8/7 stoðsendingar, María Jónsdóttir 2/6 fráköst, Hulda Bergsteinsdóttir 2.

Breiðablik: Isabella Ósk Sigurðardóttir 16/12 fráköst, Whitney Kiera Knight 13/10 fráköst, Sóllilja Bjarnadóttir 6, Hafrún Erna Haraldsdóttir 5, Birgit Ósk Snorradóttir 2, Auður Íris Ólafsdóttir 2/7 fráköst.

Snæfell: Kristen Denise McCarthy 28/11 fráköst, Andrea Bjort Olafsdottir 12/5 fráköst, Berglind Gunnarsdóttir 10/11 fráköst, Sara Diljá Sigurðardóttir 8, Gunnhildur Gunnarsdóttir 8/7 fráköst/5 stoðsendingar, Rebekka Rán Karlsdóttir 7/4 fráköst, Alda Leif  Jónsdóttir 4, Júlia Scheving Steindórsdóttir 2.