Bíllinn fundinn og tveir handteknir

Karlmaður á fertugsaldri og kona á þrítugsaldri eru í haldi lögreglunnar á höfuðborgarsvæðinu í tengslum við rannsókn á innbroti í verslun í Reykjavík í fyrrinótt og þjófnað á bíl.

Var það ábending árvökuls borgara sem leiddi til handtöku fólksins að því er fram kemur í tilkynningu lögreglunnar en lögreglan lýsti eftir manninum og bílnum í gærkvöldi.

Bíllinn er fundinn og þýfi úr innbrotinu. Þá tók lögreglan jafnframt í sína vörslu fleiri muni sem talið er að kunni að tengjast öðrum innbrotum.