Sögufrægar fasteignir RR hótela til sölu Kristinn Ingi Jónsson skrifar 17. maí 2018 06:00 Dótturfélag Íslenskrar fjárfestingar festi kaup á húsi Félags bókagerðarmanna við Hverfisgötu 21, einu af elstu steinsteyptu húsunum í Reykjavík, haustið 2012 og breytti því í íbúðahótel. Félagið er nú til sölu. Vísir/stefán Fjárfestingarfélagið Íslensk fjárfesting, í eigu Arnars Þórissonar og Þóris Kjartanssonar, hefur sett fasteignafélagið RR fasteignir, sem á sjö sögufrægar byggingar í miðbæ Reykjavíkur, í formlegt söluferli. Eignir félagsins voru metnar á ríflega 2,7 milljarða króna í lok árs 2016. Þórir, sem er stjórnarformaður RR fasteigna, segist í samtali við Fréttablaðið búast við því að söluferlinu ljúki í sumar. Það er fyrirtækjaráðgjöf Arion banka sem er ráðgjafi seljanda í ferlinu. Umræddar byggingar, sem eru við Hverfisgötu, Lindargötu og Veghúsastíg, eru leigðar til hótelfélagsins RR hótela, sem er auk þess í eigu Íslenskrar fjárfestingar, en félagið rekur meðal annars íbúðahótel undir nafninu Reykjavík Residence. Alls reka RR hótel 47 íbúðir í sex húsum og þegar framkvæmdum við Hverfisgötu 78 lýkur í haust verða hótelíbúðirnar samtals 63 í átta húsum. Þórir segir húsin hafa öll verið tekin í gegn frá grunni og þeim fengið nýtt hlutverk sem hágæðaíbúðir. „Við höfum samt byggt þau upp í upprunalegri mynd og lagt áherslu á að vernda og miðla sögu húsanna. Að jafnaði er götumyndin vernduð og í sumum tilfellum sjálf húsin og því höfum við þurft að vinna náið með borgaryfirvöldum og húsafriðunarnefnd. Það er stór þáttur í þessu að allir séu sáttir,“ nefnir hann.Þórir Kjartansson, framkvæmdastjóri Íslenskrar fjárfestingarÁ meðal eigna RR fasteigna eru hús Félags bókagerðarmanna við Hverfisgötu 21, sem er eitt af elstu steinsteyptu húsum borgarinnar, byggt árið 1912, 104 ára gamalt steinhús við Hverfisgötu 45, 112 ára gamalt hús við Lindargötu 11, Bókfellshúsið á Hverfisgötu 78 og Bergshús við Veghúsastíg 9. Þórir segir forsvarsmenn félagsins fremur líta á það sem fasteignaþróunarfélag heldur en hefðbundið fasteignafélag sem eigi stórt safn eigna með langtímaleigusamninga, líkt og til dæmis stóru fasteignafélögin sem skráð eru á markað. „Við vinnum frekar í því að þróa og búa til flott fasteignasöfn og setja þau síðan í hendurnar á einhverjum sem er reiðubúinn til þess að reka þau. Við höfum byggt upp flott safn með þekktum eignum í miðborginni og er nú komið að þeim tímapunkti að við viljum selja það.“ RR hótel var skipt upp í tvö félög um áramótin 2016 og 2017. Annars vegar rekstrarfélagið RR hótel ehf. sem heldur utan um rekstur hótelíbúðanna og hins vegar fasteignafélagið RR fasteignir ehf. sem á eignirnar sem leigðar eru til RR hótela en að sögn Þóris var skiptingin fyrsta skrefið í að gera fasteignafélag hótelsins hæft til sölu. Þórir segir fasteignasafnið geta verið góða og skemmtilega viðbót í eignasöfn fasteignafélaga og fleiri fasteignaeigenda, enda sé um að ræða þekktar eignir með mikla sögu sem hafi auk þess allar verið teknar í gegn. „Þar að auki er þetta íbúðahótel þannig að ef allt færi á verri veg í hótelbransanum eftir einhvern árafjölda væri hægt að breyta hlutverki þess og nýta íbúðirnar. Hótel verður hins vegar alltaf hótel.“ Samkvæmt ársskýrslu Íslenskrar fjárfestingar voru RR hótel rekin með um 97 prósenta herbergjanýtingu í fyrra. Framkvæmdum við Lindargötu 11 og Veghúsastíg 9a lauk á árinu og bættust þá tuttugu hótelíbúðir við eignasafnið. Jafnframt hófust framkvæmdir við Hverfisgötu 78 en þar er verið að byggja nýtt hús á baklóð ásamt því að núverandi hús verður endurbætt. Gerir fjárfestingafélagið ráð fyrir áframhaldandi vexti hjá RR hótelum á þessu ári. Hagnaður Íslenskrar fjárfestingar nam 336 milljónum króna á síðasta ári og dróst saman um 369 milljónir frá fyrra ári. Í ársskýrslunni segir að helstu skýringarnar séu þær að rekstur stærstu dótturfélaganna hafi verið undir væntingum auk þess sem nokkur þróunarverkefni séu „enn að sanna sig“ og skili því tapi í samstæðunni. Forsvarsmenn félagsins búast þó við miklum hagnaði á næstu árum vegna fasteignaverkefna sem eru í söluferli. Birtist í Fréttablaðinu Ferðamennska á Íslandi Mest lesið Stöðva þurfi rányrkju bílastæðaeigenda Neytendur „Alls konar fólk heyrt í mér um alls konar hluti“ Viðskipti innlent Skuldar félagi Einars 44 milljónir og gæti misst 295 milljóna hús Viðskipti innlent Fegurð er glæpur kom út í mínus Viðskipti innlent Atvinnumissir: „Ég kunni nú ekki við að spyrja Jón beint“ Atvinnulíf 4,4 milljarðar til borgarinnar vegna framkvæmda á Hólmsheiði Viðskipti innlent Segir engar breytingar hafa verið gerðar á uppskrift SS pylsna Neytendur Nýtt trend: Engir yfirmenn á vinnustaðnum Atvinnulíf Þrjár verslanir í Múlunum sektaðar eftir rassíu Neytendastofu Neytendur Stýrivextir lækkaðir í Bandaríkjunum í fyrsta sinn í fjögur ár Viðskipti erlent Fleiri fréttir 4,4 milljarðar til borgarinnar vegna framkvæmda á Hólmsheiði Fegurð er glæpur kom út í mínus Skuldar félagi Einars 44 milljónir og gæti misst 295 milljóna hús „Alls konar fólk heyrt í mér um alls konar hluti“ Bein útsending: Ársfundur atvinnulífsins Hjalti Már tekur við af Hreiðari Þór hjá Datera Stórfyrirtæki hyggja á uppbyggingu á Hólmsheiði Bæta við níunda áfangastað sínum á Spáni Heildareignir einstaklinga jukust um rúm fimm prósent á síðasta ári Fleiri leigi nú af vinum og ættingjum Sjúkratryggingar grunaðar um ríkisaðstoð Sparar kylfingum tíma með rástímaleitarsíðu Sótti 410 milljónir og margfaldaði starfsmannafjöldann Aðgerðir stjórnvalda eigi líka að taka mið af æviskeiði Steinar fjárfestir í Snjallgögnum Bjørn Richard til liðs við Athygli Fljúga til Gautaborgar næsta sumar Meirihluti auglýstra nýbygginga óseldur Sjálfbærnisviðið lagt niður og Erla Ósk hættir Hafsteinn Dan nýr lagaprófessor við HR Ráðin nýr yfirlögfræðingur Hugverkastofunnar Hafa ekki tekið ákvörðun um vaxtahækkun „Þetta hefur slæm áhrif á heimilin sem hafa augljóslega minna á milli handanna“ Flytja Friday's innan Smáralindar og fjölga stöðunum Kröfur upp á um 13 milljarða í þrotabú Skagans 3X Íslandsbanki hækkar líka vexti verðtryggðra lána Séreign inn á húsnæðislán hafi nýst sterkefnuðum mest Ver vaxtahækkunina: Ekki hægt að selja brauðið ódýrara en hveitið Hafa veitt virkjunarleyfi fyrir Hvammsvirkjun Ekki króna í þrotabúi Base parking Sjá meira
Fjárfestingarfélagið Íslensk fjárfesting, í eigu Arnars Þórissonar og Þóris Kjartanssonar, hefur sett fasteignafélagið RR fasteignir, sem á sjö sögufrægar byggingar í miðbæ Reykjavíkur, í formlegt söluferli. Eignir félagsins voru metnar á ríflega 2,7 milljarða króna í lok árs 2016. Þórir, sem er stjórnarformaður RR fasteigna, segist í samtali við Fréttablaðið búast við því að söluferlinu ljúki í sumar. Það er fyrirtækjaráðgjöf Arion banka sem er ráðgjafi seljanda í ferlinu. Umræddar byggingar, sem eru við Hverfisgötu, Lindargötu og Veghúsastíg, eru leigðar til hótelfélagsins RR hótela, sem er auk þess í eigu Íslenskrar fjárfestingar, en félagið rekur meðal annars íbúðahótel undir nafninu Reykjavík Residence. Alls reka RR hótel 47 íbúðir í sex húsum og þegar framkvæmdum við Hverfisgötu 78 lýkur í haust verða hótelíbúðirnar samtals 63 í átta húsum. Þórir segir húsin hafa öll verið tekin í gegn frá grunni og þeim fengið nýtt hlutverk sem hágæðaíbúðir. „Við höfum samt byggt þau upp í upprunalegri mynd og lagt áherslu á að vernda og miðla sögu húsanna. Að jafnaði er götumyndin vernduð og í sumum tilfellum sjálf húsin og því höfum við þurft að vinna náið með borgaryfirvöldum og húsafriðunarnefnd. Það er stór þáttur í þessu að allir séu sáttir,“ nefnir hann.Þórir Kjartansson, framkvæmdastjóri Íslenskrar fjárfestingarÁ meðal eigna RR fasteigna eru hús Félags bókagerðarmanna við Hverfisgötu 21, sem er eitt af elstu steinsteyptu húsum borgarinnar, byggt árið 1912, 104 ára gamalt steinhús við Hverfisgötu 45, 112 ára gamalt hús við Lindargötu 11, Bókfellshúsið á Hverfisgötu 78 og Bergshús við Veghúsastíg 9. Þórir segir forsvarsmenn félagsins fremur líta á það sem fasteignaþróunarfélag heldur en hefðbundið fasteignafélag sem eigi stórt safn eigna með langtímaleigusamninga, líkt og til dæmis stóru fasteignafélögin sem skráð eru á markað. „Við vinnum frekar í því að þróa og búa til flott fasteignasöfn og setja þau síðan í hendurnar á einhverjum sem er reiðubúinn til þess að reka þau. Við höfum byggt upp flott safn með þekktum eignum í miðborginni og er nú komið að þeim tímapunkti að við viljum selja það.“ RR hótel var skipt upp í tvö félög um áramótin 2016 og 2017. Annars vegar rekstrarfélagið RR hótel ehf. sem heldur utan um rekstur hótelíbúðanna og hins vegar fasteignafélagið RR fasteignir ehf. sem á eignirnar sem leigðar eru til RR hótela en að sögn Þóris var skiptingin fyrsta skrefið í að gera fasteignafélag hótelsins hæft til sölu. Þórir segir fasteignasafnið geta verið góða og skemmtilega viðbót í eignasöfn fasteignafélaga og fleiri fasteignaeigenda, enda sé um að ræða þekktar eignir með mikla sögu sem hafi auk þess allar verið teknar í gegn. „Þar að auki er þetta íbúðahótel þannig að ef allt færi á verri veg í hótelbransanum eftir einhvern árafjölda væri hægt að breyta hlutverki þess og nýta íbúðirnar. Hótel verður hins vegar alltaf hótel.“ Samkvæmt ársskýrslu Íslenskrar fjárfestingar voru RR hótel rekin með um 97 prósenta herbergjanýtingu í fyrra. Framkvæmdum við Lindargötu 11 og Veghúsastíg 9a lauk á árinu og bættust þá tuttugu hótelíbúðir við eignasafnið. Jafnframt hófust framkvæmdir við Hverfisgötu 78 en þar er verið að byggja nýtt hús á baklóð ásamt því að núverandi hús verður endurbætt. Gerir fjárfestingafélagið ráð fyrir áframhaldandi vexti hjá RR hótelum á þessu ári. Hagnaður Íslenskrar fjárfestingar nam 336 milljónum króna á síðasta ári og dróst saman um 369 milljónir frá fyrra ári. Í ársskýrslunni segir að helstu skýringarnar séu þær að rekstur stærstu dótturfélaganna hafi verið undir væntingum auk þess sem nokkur þróunarverkefni séu „enn að sanna sig“ og skili því tapi í samstæðunni. Forsvarsmenn félagsins búast þó við miklum hagnaði á næstu árum vegna fasteignaverkefna sem eru í söluferli.
Birtist í Fréttablaðinu Ferðamennska á Íslandi Mest lesið Stöðva þurfi rányrkju bílastæðaeigenda Neytendur „Alls konar fólk heyrt í mér um alls konar hluti“ Viðskipti innlent Skuldar félagi Einars 44 milljónir og gæti misst 295 milljóna hús Viðskipti innlent Fegurð er glæpur kom út í mínus Viðskipti innlent Atvinnumissir: „Ég kunni nú ekki við að spyrja Jón beint“ Atvinnulíf 4,4 milljarðar til borgarinnar vegna framkvæmda á Hólmsheiði Viðskipti innlent Segir engar breytingar hafa verið gerðar á uppskrift SS pylsna Neytendur Nýtt trend: Engir yfirmenn á vinnustaðnum Atvinnulíf Þrjár verslanir í Múlunum sektaðar eftir rassíu Neytendastofu Neytendur Stýrivextir lækkaðir í Bandaríkjunum í fyrsta sinn í fjögur ár Viðskipti erlent Fleiri fréttir 4,4 milljarðar til borgarinnar vegna framkvæmda á Hólmsheiði Fegurð er glæpur kom út í mínus Skuldar félagi Einars 44 milljónir og gæti misst 295 milljóna hús „Alls konar fólk heyrt í mér um alls konar hluti“ Bein útsending: Ársfundur atvinnulífsins Hjalti Már tekur við af Hreiðari Þór hjá Datera Stórfyrirtæki hyggja á uppbyggingu á Hólmsheiði Bæta við níunda áfangastað sínum á Spáni Heildareignir einstaklinga jukust um rúm fimm prósent á síðasta ári Fleiri leigi nú af vinum og ættingjum Sjúkratryggingar grunaðar um ríkisaðstoð Sparar kylfingum tíma með rástímaleitarsíðu Sótti 410 milljónir og margfaldaði starfsmannafjöldann Aðgerðir stjórnvalda eigi líka að taka mið af æviskeiði Steinar fjárfestir í Snjallgögnum Bjørn Richard til liðs við Athygli Fljúga til Gautaborgar næsta sumar Meirihluti auglýstra nýbygginga óseldur Sjálfbærnisviðið lagt niður og Erla Ósk hættir Hafsteinn Dan nýr lagaprófessor við HR Ráðin nýr yfirlögfræðingur Hugverkastofunnar Hafa ekki tekið ákvörðun um vaxtahækkun „Þetta hefur slæm áhrif á heimilin sem hafa augljóslega minna á milli handanna“ Flytja Friday's innan Smáralindar og fjölga stöðunum Kröfur upp á um 13 milljarða í þrotabú Skagans 3X Íslandsbanki hækkar líka vexti verðtryggðra lána Séreign inn á húsnæðislán hafi nýst sterkefnuðum mest Ver vaxtahækkunina: Ekki hægt að selja brauðið ódýrara en hveitið Hafa veitt virkjunarleyfi fyrir Hvammsvirkjun Ekki króna í þrotabúi Base parking Sjá meira