Lax að stökkva á Breiðunni í Langá

Nú eru fréttir að berast af góðri opnun laxveiðisumarsins en 10 laxar komu á land við Urriðafoss í gær og laxar eru farnir að sýna sig víða.

Það hefur til dæmis sést lax í Deildará fyrir norðan sem er óvenju snemmt fyrir hana.  Lax hefur sést fyrir all nokkru í Laxá í Kjós, Norðurá og nú síðast sáust laxar renna sér upp í Þverá og laxar sáust stökkva í á sem hefur hingað til verið í síðsumars flokknum.  Einar Baldursson leiðsögumaður var með lítinn hóp erlendra ferðamanna á vesturlandi í gær og stoppaði meðal annars við fossinn Skugga í Langá til að leyfa þeim að mynda umhverfið og fossinn.  Á meðan hópurinn var að mynda stukku alla vega tveir laxar á Breiðunni en það er ansi snemmt fyrir Langá að sýna laxa á þessum tíma.

Áin var eitt sinn kölluð dæmigerð síðsumarsá en það hefur breyst síðustu árin.  Í fyrra voru til að mynda komnir um 100 laxar í gegnum teljarann fyrstu dagana eftir að teljarinn fór niður 11. júní og var veiðin strax á fyrstu dögum alveg hreint með ágætum.  Það eru þess vegna spennandi að sjá hvernig fyrstu hollunum vegnir í ánni í sumar.