Forstjóri Heklu selur 470 fermetra einbýlishús eftir Manfreð Vilhjálmsson

Friðbert Friðbertsson, forstjóri Heklu, hefur sett stórglæsilegt einbýlishús sitt við Blikanes í Garðabæ á söluskrá en um er að ræða 470 fermetra  hús eftir arkitektinn vinsæla Manfreð Vilhjálmsson.

Húsið var hannað 1967 fyrir Odd Thorarensen og hefur sterk einkenni þessa magnaða arkitekts.

Eignin hefur verið mikið endurnýjuð og í breytingum þess var passað að halda í karakter og virðing borinn fyrir hönnun hússins.  Rúmgóð eign sem snýr til suðurs með góðu útsýni.

Fasteignamat eignarinnar er 120 milljónir en eigandinn leitar eftir tilboði. Alls eru fimm svefnherbergi í húsinu og fjögur baðherbergi.

Hér að neðan má sjá fallega myndir af Blikanesi 21.