Allt leikur á reiðiskjálfi á fyrsta borgarstjórnarfundi: „Fráleitt að brigsla starfsfólki ráðhússins um leka og svik og trúnaðarbrest“ Margrét Helga Erlingsdóttir skrifar 19. júní 2018 17:05 Strax á fyrsta klukkutíma fundarins ætlaði allt um koll að keyra þegar Líf Magneudóttir, oddviti Vinstri grænna í Reykjavík, upplýsti um það að Marta Guðjónsdóttir, borgarfulltrúi Sjálfstæðisflokksins, hygðist taka sæti í nýju umhverfis-og heilbrigðisráði visir/stöð2 Ef fyrsti fundur nýrrar borgarstjórnar er forsmekkur þess sem koma skal á kjörtímabilinu er ljóst að það verður verulega skrautlegt. Strax á fyrsta klukkutíma fundarins ætlaði allt um koll að keyra þegar Líf Magneudóttir, oddviti Vinstri grænna í Reykjavík, upplýsti um það að Marta Guðjónsdóttir, borgarfulltrúi Sjálfstæðisflokksins, hygðist taka sæti í nýju umhverfis-og heilbrigðisráði. Fulltrúum minnihlutans þótti þetta til marks um grófan trúnaðarbrest. Á fundinum voru viðhöfð orð eins og trúnaðarbrestur, leki, rannsóknarréttur, ritskoðun og stormur í vatnsglasi. „Það er ekki liðinn klukkutími og hér er strax búið að upplýsa um mikinn trúnaðarbrest,“ segir Vigdís Hauksdóttir, oddviti Miðflokksins sem kallar eftir rannsókn á meintum leka og trúnaðarbresti. Borgarfulltrúar minnihlutans sem tóku til máls sögðu að hér væri um trúnaðarbrest að ræða og vildu fá að vita hvernig Líf hefði fengið þær upplýsingar að Marta ætlaði sér að taka sæti í ráðinu. Eyþór Laxdal Arnalds, oddviti Sjálfstæðisflokksins, kallaði eftir svörum: „Við héldum að hér væri trúnaður og það er meira að segja skrifað undir siðareglur hér síðar í dag. Það er talað um trúnað. Það er talað um traust. Það er talað um samstarf. Þetta eru allt falleg orð en hérna er fyrsta kennslustund í hvernig störfum er raunverulega háttað, getum við fengið svör," spurði Eyþór og sagði borgarfulltrúa minnihlutans ekki eiga að gera lítið úr málinu því sá sem geti ekki verið trúr yfir hinu litla sé ekki til þess fallinn að halda utan um það stóra.Vinnulaginu breytt eftir tilnefningu Gústafs NíelssonarStjórnmálaflokkarnir voru beðnir um að skila inn tilnefningum fyrir nefndir og ráð á föstudag. Dagur tók til máls og sagði til útskýringar sá háttur hefði komist á eftir að Framsókn og flugvallarvinir buðu fram Gústaf Níelsson á sínum tíma til setu í mannréttindaráði til að fulltrúar flokkanna gætu kynnt sér tilnefningar flokkanna og tekið afstöðu til þeirra áður en gengið væri til atkvæðagreiðslu. „Það var hins vegar ekki upplýst í borgarstjórn þá að þessi tiltekni einstaklingur [Gústaf Níelsson] hefði látið falla ummæli opinberlega sem samræmdust illa setu hans í mannréttindaráði Reykjavíkurborgar. Úr þessu var töluvert veður gert, meðal annars í fjölmiðlum og borgarfulltrúar báðust afsökunar á því að hafa ekki mátt vita eða ekki hafa vitað af þessum ummælum og þáverandi oddviti Framsóknar og flugvallavina fór meðal annars í Kastljósviðtal þar sem hún lét fræg ummæli falla um að hún hefði átt að „Google-a“ hann betur en ég er nú bara að rifja þetta upp því að þetta er ástæðan fyrir því að það var tekin upp sú vinnuregla að fá nöfn á föstudegi fyrir borgarstjórnarfundi,“ sagði borgarstjóri sem tekur fram að hér sé ekki um neitt samsæri að ræða.Þykir tilsvörin of fráleit fyrir skáldsöguEyþór Arnalds steig þá upp í pontu og lýsti yfir því að honum þætti málið hið skrítnasta. Enn væru ekki komin fram nein svör um hvernig Líf hafi fengið upplýsingarnar og þá þætti honum tilsvör borgarstjóra fráleit. „Rökstuðningurinn er svo fráleitur að mér gæti ekki dottið í hug að hann gæti verið skrifaður í skáldsögu; Gústaf Níelsson hefði komið á vinnureglu hér að það þyrfti að ritskoða og fara í gegnum hversu hæfir kjörnir fulltrúar eru. Þetta er með ólíkindum.“Kjörtímabilið eins og spænski rannsóknarrétturinnLíf Magneudóttir tók þá til máls og lýsti furðu sinni yfir framferði fulltrúa minnihlutans á fundinum. „Ég kannski get upplýst ykkur um það að næstu fjögur árin verða bara eins og spænski rannsóknarrétturinn, held ég, í ljósi alls þess sem gerist hérna núna.“ Hún sagði að sér hefði borist það til eyrna á kaffihúsi að Marta kynni að vilja sitja í ráðinu og lagði tvo og tvo saman þegar Marta hefði tekið til máls í umfjöllun um ráðið og því ályktað með þessum hætti. Hún gagnrýndi það þó harðlega að starfsfólk Ráðhússins skuli hafa verið sakað um trúnaðarbrest. „Það er algjörlega fráleitt að brigsla starfsfólki ráðhússins um leka og svik og trúnaðarbrest því það er verið að gera hér og það finnst mér ámælisvert.“Sveimér þá - Ætli Eyþór hafi ekki bara verið að segja satt þegar hann sagðist ætla að breyta Sjálfstæðisflokknum. Flokkurinn samanstendur nú af Sósíalistum, Flokki fólksins og Miðflokknum. Það slitnar a.m.k. ekki slefið á milli þeirra. #borgarstjórn— Líf Magneudóttir (@lifmagn) June 19, 2018 Hér er hægt að fylgjast með fundinum í beinni útsendingu: Mest lesið Kona réðst að sjö ára dreng við Smáraskóla Innlent Eiginmaður íslenskrar konu lét sig hverfa rétt eftir brúðkaupið Innlent „Það er ódýrast og best og fljótlegast að kála þessum dýrum“ Innlent Hafa „góða hugmynd“ hvar og hvenær stúlkunni var ráðinn bani Innlent Fundu lík karlmanns í Reynisfjalli Innlent „Ég hefði bara sagt af mér á staðnum“ Innlent Fjórir í bílnum en enginn við stýrið Innlent Skerjafjarðarskáldið krefst afsökunarbeiðni – annars fer það í mál Innlent Yazan afar létt að vera ekki vísað frá landi Innlent Kona á níræðisaldri sá björninn í þriggja metra fjarlægð Innlent Fleiri fréttir Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Sjá meira
Ef fyrsti fundur nýrrar borgarstjórnar er forsmekkur þess sem koma skal á kjörtímabilinu er ljóst að það verður verulega skrautlegt. Strax á fyrsta klukkutíma fundarins ætlaði allt um koll að keyra þegar Líf Magneudóttir, oddviti Vinstri grænna í Reykjavík, upplýsti um það að Marta Guðjónsdóttir, borgarfulltrúi Sjálfstæðisflokksins, hygðist taka sæti í nýju umhverfis-og heilbrigðisráði. Fulltrúum minnihlutans þótti þetta til marks um grófan trúnaðarbrest. Á fundinum voru viðhöfð orð eins og trúnaðarbrestur, leki, rannsóknarréttur, ritskoðun og stormur í vatnsglasi. „Það er ekki liðinn klukkutími og hér er strax búið að upplýsa um mikinn trúnaðarbrest,“ segir Vigdís Hauksdóttir, oddviti Miðflokksins sem kallar eftir rannsókn á meintum leka og trúnaðarbresti. Borgarfulltrúar minnihlutans sem tóku til máls sögðu að hér væri um trúnaðarbrest að ræða og vildu fá að vita hvernig Líf hefði fengið þær upplýsingar að Marta ætlaði sér að taka sæti í ráðinu. Eyþór Laxdal Arnalds, oddviti Sjálfstæðisflokksins, kallaði eftir svörum: „Við héldum að hér væri trúnaður og það er meira að segja skrifað undir siðareglur hér síðar í dag. Það er talað um trúnað. Það er talað um traust. Það er talað um samstarf. Þetta eru allt falleg orð en hérna er fyrsta kennslustund í hvernig störfum er raunverulega háttað, getum við fengið svör," spurði Eyþór og sagði borgarfulltrúa minnihlutans ekki eiga að gera lítið úr málinu því sá sem geti ekki verið trúr yfir hinu litla sé ekki til þess fallinn að halda utan um það stóra.Vinnulaginu breytt eftir tilnefningu Gústafs NíelssonarStjórnmálaflokkarnir voru beðnir um að skila inn tilnefningum fyrir nefndir og ráð á föstudag. Dagur tók til máls og sagði til útskýringar sá háttur hefði komist á eftir að Framsókn og flugvallarvinir buðu fram Gústaf Níelsson á sínum tíma til setu í mannréttindaráði til að fulltrúar flokkanna gætu kynnt sér tilnefningar flokkanna og tekið afstöðu til þeirra áður en gengið væri til atkvæðagreiðslu. „Það var hins vegar ekki upplýst í borgarstjórn þá að þessi tiltekni einstaklingur [Gústaf Níelsson] hefði látið falla ummæli opinberlega sem samræmdust illa setu hans í mannréttindaráði Reykjavíkurborgar. Úr þessu var töluvert veður gert, meðal annars í fjölmiðlum og borgarfulltrúar báðust afsökunar á því að hafa ekki mátt vita eða ekki hafa vitað af þessum ummælum og þáverandi oddviti Framsóknar og flugvallavina fór meðal annars í Kastljósviðtal þar sem hún lét fræg ummæli falla um að hún hefði átt að „Google-a“ hann betur en ég er nú bara að rifja þetta upp því að þetta er ástæðan fyrir því að það var tekin upp sú vinnuregla að fá nöfn á föstudegi fyrir borgarstjórnarfundi,“ sagði borgarstjóri sem tekur fram að hér sé ekki um neitt samsæri að ræða.Þykir tilsvörin of fráleit fyrir skáldsöguEyþór Arnalds steig þá upp í pontu og lýsti yfir því að honum þætti málið hið skrítnasta. Enn væru ekki komin fram nein svör um hvernig Líf hafi fengið upplýsingarnar og þá þætti honum tilsvör borgarstjóra fráleit. „Rökstuðningurinn er svo fráleitur að mér gæti ekki dottið í hug að hann gæti verið skrifaður í skáldsögu; Gústaf Níelsson hefði komið á vinnureglu hér að það þyrfti að ritskoða og fara í gegnum hversu hæfir kjörnir fulltrúar eru. Þetta er með ólíkindum.“Kjörtímabilið eins og spænski rannsóknarrétturinnLíf Magneudóttir tók þá til máls og lýsti furðu sinni yfir framferði fulltrúa minnihlutans á fundinum. „Ég kannski get upplýst ykkur um það að næstu fjögur árin verða bara eins og spænski rannsóknarrétturinn, held ég, í ljósi alls þess sem gerist hérna núna.“ Hún sagði að sér hefði borist það til eyrna á kaffihúsi að Marta kynni að vilja sitja í ráðinu og lagði tvo og tvo saman þegar Marta hefði tekið til máls í umfjöllun um ráðið og því ályktað með þessum hætti. Hún gagnrýndi það þó harðlega að starfsfólk Ráðhússins skuli hafa verið sakað um trúnaðarbrest. „Það er algjörlega fráleitt að brigsla starfsfólki ráðhússins um leka og svik og trúnaðarbrest því það er verið að gera hér og það finnst mér ámælisvert.“Sveimér þá - Ætli Eyþór hafi ekki bara verið að segja satt þegar hann sagðist ætla að breyta Sjálfstæðisflokknum. Flokkurinn samanstendur nú af Sósíalistum, Flokki fólksins og Miðflokknum. Það slitnar a.m.k. ekki slefið á milli þeirra. #borgarstjórn— Líf Magneudóttir (@lifmagn) June 19, 2018 Hér er hægt að fylgjast með fundinum í beinni útsendingu:
Mest lesið Kona réðst að sjö ára dreng við Smáraskóla Innlent Eiginmaður íslenskrar konu lét sig hverfa rétt eftir brúðkaupið Innlent „Það er ódýrast og best og fljótlegast að kála þessum dýrum“ Innlent Hafa „góða hugmynd“ hvar og hvenær stúlkunni var ráðinn bani Innlent Fundu lík karlmanns í Reynisfjalli Innlent „Ég hefði bara sagt af mér á staðnum“ Innlent Fjórir í bílnum en enginn við stýrið Innlent Skerjafjarðarskáldið krefst afsökunarbeiðni – annars fer það í mál Innlent Yazan afar létt að vera ekki vísað frá landi Innlent Kona á níræðisaldri sá björninn í þriggja metra fjarlægð Innlent Fleiri fréttir Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Sjá meira