Aðstæður erfiðar yfir SS Minden

Rannsóknarskipið Seabed Worker hefur frá því síðdegis á föstudag verið á þeim slóðum þar sem flak flutningaskipsins SS Minden liggur hafsbotni 120 sjómílur undan Íslandsströndum.

Skipið er í þjónustu breska félagsins Advanced Marine Services sem með leyfi umhverfisráðuneytisins hafði þrjá sólarhringa til að bjarga verðmætum úr Minden. Sjólag og veður torveldaði aðgerðir en Landhelgisgæslan fylgdist með svæðinu.

Skipið var enn nálægt Minden er leyfið rann út klukkan 18.30 í gær. Ekki fengust upplýsingar um það í gær hvort starfsleyfið yrði framlengt svo unnt yrði að ljúka verkinu.