Slysið varð eftir framúrakstur

Bílslysið sem varð á fjórða tímanum í gær varð eftir framúrakstur. Áreksturinn varð á Þingvallavegi við Æsustaði í Mosfellsdal, en báðir bílar óku í vesturátt til Reykjavíkur.

Lögreglu barst tilkynning um slysið um 16 leytið og var veginum lokað í tvo tíma á meðan viðbragðsaðilar voru við störf á vettvangi.

Áreksturinn var nokkuð harður og mikill viðbúnaður var á vettvangi. Einn lést í slysinu en upphaflega voru þrír fluttir á slysadeild.

Rannsókn stendur nú yfir á tildrögum slyssins, en hún er á frumstigi sem stendur.