Dansari Demi Lovato neitar að hafa átt aðild að ofneyslu söngkonunnar

Söngkonan Demi Lovato var hætt komin í vikunni, en talið er að söngkonan hafi tekið of stóran skammt af heróíni. 

Nokkrum dögum eftir að fregnir bárust af ofneyslu Lovato birti TMZ myndband af söngkonunni sem tekið var fyrr um kvöldið í afmælisveislu dansara hennar Dani Vitale. Aðdáendur söngkonunnar sögðu dansarann hafa slæm áhrif á söngkonuna og segja hana bera ábyrgð á atvikinu. 

Sjá einnig: Demi Lovato var í mikilli lífshættu og er á leiðinni í meðferð

Vitale hefur nú stigið fram og neitað fyrir aðild að fíkniefnaneyslu söngkonunnar. Hún segist ekki hafa verið með söngkonunni þegar atvikið átti sér stað, en hún muni styðja hana í bataferlinu sem nú tekur við. 

pic.twitter.com/ykegQRiq9M

— Dani Vitale (@danivitale) 30 July 2018

Þá segir dansarinn að aðdáendur Lovato hafi alltaf verið mjög umhyggjusamir í garð söngkonunnar og hvetur þá til að hafa það í huga þegar þeir tjá sig á netinu.