Exton fékk samtals 62 milljónir

Fyrirtækið Exton fékk um 62 milljónir vegna hátíðarfundarins sem haldinn var á Þingvöllum í sumar. Þetta kemur fram á vef Fréttablaðsins. Exton á að hafa verið eina fyrirtækið sem skilaði inn fullnægjandi tilboði eftir að verkið var auglýst. Á vefnum opnirreikningar.is má sjá birta reikninga sem ríkið greiðir.

Hátíðarfundurinn á Þingvöllum kostaði samtals um 87 milljónir króna og því ljóst að hlutur Exton af þeirri upphæð er stór. Alls bárust tvö tilboð í verkið en hnökrar voru á öðru tilboðinu og því varð úr að Exton fékk verkið.