Conor ætlar að sanna að hann sé sá besti pund fyrir pund

Fyrsti upphitunarþátturinn fyrir UFC 229, Embedded, er lentur en þar fáum við að fylgjast með Conor McGregor og Khabib Nurmagomedov æfa sig fyrir bardagann.

Conor æfir í Las Vegas í glæsilegri æfingaaðstöðu UFC og er löngu mættur til syndaborgarinnar. Hann er í hrikalega góðu standi og efast ekki um að hann muni pakka Rússanum saman.

Liðsfélagar hans og þjálfarar mæta til æfinga saman í jeppum en Conor keyrir einn á sportbíl. Allt eins og það á vera.

Khabib fékk góða kveðju frá stuðningsmönnum sínum sem komu syngjandi í æfingasalinn áður en hann hélt til Vegas.

Fyrsta þáttinn má sjá hér að neðan en bardagakvöldið stóra verður svo í beinni á Stöð 2 Sport um næstu helgi.