Fylgdu logandi ruslabíl

Eldur kom upp í farmi sorphirðubíls í Kópavogi í dag. Starfsmenn lögreglunnar og slökkviliðsins fylgdu bílnum upp á Gufunes. Samkvæmt Slökkviliði höfuðborgarsvæðisins var slökkt í farmi bílsins að mestu og honum svo fylgt úr Kópavogi upp í Gufunes. Þar var bílinn tæmdur og slökkt í glóðum farmsins.

Hins vegar þurfti að stöðva ferð sorphirðubílsins á Höfðabakkabrú þar sem slökkviliðið sprautaði vatni á farminn. Svo virðist sem að eldurinn hafi blossað upp aftur á leiðinni.