Sagði PewDiePie hundrað þúsund sinnum í tólf tíma myndbandi

Tekjuhæsta Youtube-stjarna heims og Íslandsvinarinn PewDiePie kemur heldur betur við sögu í myndbandi hjá manni sem kallar sig Mr Beast.

Mr Beast gerði sér lítið fyrir að sagði nafn YouTube stjörnunnar hundrað þúsund sinnum í tæplega tólf tíma myndbandi.

Þegar þessi frétt er skrifuð hefur verið horft á myndbandið yfir fjórum milljón sinnum og má líklega gera ráð fyrir því að fáir hafi horft á það frá upphafi til enda.

Mr Beast náði í það minnsta að vekja athygli á sér, en hann er sjálfur nokkuð stór á YouTube-sviðinu en hér að neðan má sjá myndbandið.