Michael Bolton virðist sofna í beinni útsendingu

Söngvarinn ástsæli Michael Bolton virtist vera nokkuð þreyttur í viðtali við ástralska sjónvarpsstöð í vikunni.

Bolton var í beinni útsendingu í viðtali við þau Larry Emdur og Kylie Gillies í morgunþætti og heyrði ekki í fréttamönnum þegar annar þeirra bar fram spurningu.

Svo virðist hreinlega að Bolton hafi dottað og sjónvarpsmennirnir náðu ekki sambandi við söngvarann sem var staddur í Flórída.

Spaugilegt atvik sem hefur vakið mikla athygli og má sjá hér að neðan.