Reykjavík sveipuð dulúð í þokunni

Skyggnið í höfuðborginni var ekki mikið framan af morgni enda heilmikil þoka yfir borginni. Reykjavík er í vetrarlitunum eftir væna snjókomu í gær. Hiti í höfuðborginni verður rétt undir frostmarki í dag en tölurnar verða rauðar á morgun áður en frystir aftur.

Um hádegisbil birti svo til í borginni. Þokan á bak og burt.

Egill Aðalsteinsson, kvikmyndatökumaður fréttastofunnar, var á ferð með dróna í morgun og náði þessum fallegu myndum.

Styrkur köfnunarefnisdíoxíðs (NO2) er hár í Reykjavík í dag samkvæmt mælingum í mælistöðinni við Grensásveg. Í tilkynningu frá borginni hefur styrkur efnisins verið hár undanfarna daga. 

„Köfnunarefnisdíoxíðmengun kemur frá útblæstri bifreiða og er mest á morgnanna og í eftirmiðdaginn þegar umferð er mest.