Túristi reynir við framburð íslenskra orða og niðurstaðan er sprenghlægileg

Þekkt er að erlendum ferðamönnum sem reyni við framburð hinna ýmsu íslensku orða á borð við „Eyjafjallajökull“ og „Hallgrímskirkja“ gangi oft og tíðum nokkuð brösuglega að bera orðin fram eins og innfæddir.

Þar er tístverjinn Margaret Tierney þó undanskilin, en hún var nýlega í hlutverki ferðamanns hér á landi. Í gær tísti hún myndbandi þar sem hún reyndi við framburð nokkurra alíslenskra orða.

Við myndbandið skrifaði hún þetta:

„Mannshugurinn er ótrúlegur. Ég eyddi einni viku á Íslandi og nú tala ég íslensku reiprennandi.“

Myndbandið má sjá hér að neðan, en rétt er að taka fram að það er ekki Íslendingur sem ber fram orðin á myndbandinu. Hún er í alvörunni útlensk.

the human mind is an amazing thing, i spent 1 week in iceland and i am now completely fluent in icelandic pic.twitter.com/peSvqBKwg4

— Margaret Tierney (@ErinTierney36) March 10, 2019