Sænsku meistararnir komnir í 2-0

Kristianstad er komið í 2-0 gegn Redbergslids í átta liða úrslitum sænsku úrslitakeppninnar eftir 27-24 sigur í öðrum leik liðanna í kvöld.

Sænsku meistararnir voru einu marki yfir í hálfleik, 14-13, og voru sterkararnir í síðari hálfleik. Arnar Freyr Arnarsson skoraði fjögur mörk, Ólafur Guðmundsson eitt en Teitur Örn Einarsson ekkert.

Næsti leikur liðanna fer fram næsta fimmtudag en vinni Kristianstad þann leik eru þeir komnir í undanúrslitin. Þeir eiga titil að verja.

Ágúst Elí Björgvinsson stóð í marki Sävehof sem tapaði með minnsta mun, 26-25, gegn Malmö í einvígi þeirra í átta liða úrslitunum. Staðan í því einvígi er 1-1.