Öruggt hjá Spáni sem varði EM-bikarinn

Spánn er Evrópumeistari kvenna eftir sigur á Frakklandi í úrslitaleik EM kvenna sem fór fram í Serbíu og Lettandi. Spánn vann tuttugu stiga sigur í úrslitaleiknum, 86-66.

Spánn var að hitta vel í fyrsta leikhlutanum. Þær skoruðu 32 stig í fyrsta leikhlutanum og voru ellefu stigum yfir eftir hann, 32-21.

Þær juku enn frekar forskotið í öðrum leikhlutanum og voru þrettán stigum yfir er liðin gengu til búningsherbergja, 50-37. Ærið verkefni framundan fyrir þær frönsku.

Jafnræði var með liðunum í þriðja leikhlutanum en Spánn náði alltaf að halda þeim frönsku í góðri fjarlægð. Sigurinn var svo aldrei í hættu og munurinn að endingu tuttugu stig.

.@baloncestoESP DEFEND THEIR CROWN . #EuroBasketWomen

 https://t.co/Ts8XL0hkyopic.twitter.com/iuSc82cyKN

— #EuroBasketWomen (@EuroBasketWomen) July 7, 2019

Þetta er því annað Evrópumótið í röð sem Spánn stendur uppi sem sigurvegari og hefur Spánn unnið þrjá af síðustu fjórum Evrópumótum.