Rútubílstjórinn í slysinu við Kirkjubæjarklaustur lýsir mikilli pressu og álagi í stéttinni Margrét Helga Erlingsdóttir skrifar 3. júlí 2019 09:00 Frá slysstað skammt utan Kirkjubæjarklaustri. Fyrrverandi framkvæmdastjóri Hópferðabíla Akureyrar segir tilefni til að skoða hvort fjölga þurfi ekki ástandsskoðunum atvinnuökutækja hérlendis. Vísir/Vilhelm Helgi Haraldsson, hópferðabílstjórinn sem fyrir helgi var dæmdur í sex mánaða skilorðsbundið fangelsi fyrir slysið í desember 2017 á Suðurlandsvegi vestur af Kirkjubæjarklaustri, slasaðist sjálfur alvarlega í þegar rútan valt. Slysið gjörbreytti lífi hans. „Ég er bara í klessu,“ segir Helgi í samtali við fréttastofu. Mun líklegast áfrýja dómnum Auk þess að vera dæmdur í sex mánaða skilorðsbundið fangelsi, var hann sviptur ökuréttindum í tvö ár frá dómsuppsögu og þá þarf Helgi að greiða hátt í þrjár milljónir króna í sakarkostnað. Helga finnst dómurinn byggja á rangfærslum og hyggst áfrýja honum nema lögfræðingar hans ráði honum alfarið frá því. Sjá nánar: Sex mánaða fangelsisdómur yfir rútubílstjóra í banaslysi Fjörutíu og fjórir kínverskir ferðamenn voru um borð í rútunni. Tveir ferðamenn létust og fjölmargir voru fluttir slasaðir af vettvangi, þar af tólf með þyrlu Landhelgisgæslunnar. Tveir af þeim slösuðust alvarlega. Viðbragðsaðilar komu að Helga þar sem hann lá rotaður á framrúðunni við veginn. Helgi segist enn þá ganga haltur því hann meiddist á mjöðm. „Það er til nóg af öðrum bílstjórum“ „Svo sprakk kálfinn á mér. Ég átti lengi í þeim meiðslum vegna þess að það þurfti að bæta svo mikið inn á vöðvann. Í staðinn fyrir að fara í skinnflutning þá var sárið grætt með þorskroði sem er framleitt á Ísafirði,“ segir Helgi. Hann er enn í sjúkraþjálfun og er kominn á örorku. Helgi segir fjölgun ferðamanna hér á landi hafa orðið til þess að álag á rútubílstjóra sé mun meira en áður var. Fram hefur komið að ástand hópferðabílsins hafi verið óviðunandi. „Ég var á honum [rútubílnum] annan daginn í röð. Þetta var þriðji dagurinn með hópinn en fyrsta daginn var ég á lánsbíl frá öðru fyrirtæki,“ segir Helgi sem hugnaðist ekki rútan sem honum var gert að keyra. Hann segir álagið á rútubílstjóra vera mikið og þeir oft í erfiðri stöðu gagnvart vinnuveitendum sínum. „Já, en svona er þetta bara. Það er bara orðið þannig í rekstri á Íslandi. Ef ég geri einhverjar athugasemdir eða neita þá er mér bara sagt: Já, það er til nóg af öðrum bílstjórum.“ Slysið gerðist þegar Helgi var í dagsferð inn að Jökulsárlóni frá Hafnarfirði. Hann segir að eftir slysið hafi menn áttað sig á því hve mikið álagið sé í raun í slíkum túrum. Það varð til þess að allar götur síðan eru tveir bílstjórar sendir í slíka túra. „Þetta er átta hundruð kílómetra-dagur og ég var að keyra allan daginn áður og um kvöldið í norðurljósaferð.“ Frá vettvangi slyssins þann 27. desember 2017.Vísir/Vilhelm Í viðkvæmri stöðu gagnvart vinnuveitendum Helgi var ekki sakfelldur fyrir ástand bifreiðarinnar heldur fyrir að hafa keyrt of hratt miðað við aðstæður og með of stutt bil á milli bifreiða án nægjanlegrar aðgæslu. Þrátt fyrir að Helgi hafi ekki verið látinn axla ábyrgð á slæmu ástandi bifreiðarinnar hefur þetta mál og fleiri dómar sem fallið hafa yfir hópferðabílstjórum á síðustu árum vakið upp umræðu um stöðu hópferðabílstjóra gagnvart vinnuveitendum og þá ábyrgð sem þeir bera samkvæmt lögunum í þeirri mynd sem þau eru nú. Formaður Bifreiðastjórafélagsins Sleipnis sagði í samtali við fréttastofu um helgina að mörkin á milli ábyrgðar bílstjóra og rútufyrirtækja væru óljós þegar slys ættu sér stað. Viðhald bifreiða sé oft ábótavant og bílstjórar ekki alltaf í stakk búnir til að fara yfir öll öryggisatriði. Sjá nánar: Mörkin óljós milli ábyrgðar bílstjóra og rútufyrirtækja „Manni finnst að útgerðarmenn eigi að bera einhverja ábyrgð á því líka að bíllinn sé í lagi. Því þeir eru að afhenda bílinn til langferðar og það er útgerðarmannsins að sjá til þess að bíllinn sé í fullkomnu lagi fyrir ferðina. Það er bílstjórans að renna yfir þau atriði sem hann getur farið yfir,“ sagði Óskar Jens Stefánsson, formaður Bifreiðastjórafélagsins Sleipnis. Segir bifreiðina ekki átt að hafa verið í umferðinni Bíltæknirannsókn á hópferðabifreiðinni leiddi í ljós að hemlagetu hennar hafi verið verulega ábótavant. Aðeins eitt hjól var fullneglt og örfáir naglar í hinum. Bifreiðin hefði í raun ekki að vera í umferð vegna skorts á viðhaldi en þrátt fyrir þetta fór hún í gegnum ástandsskoðun um haustið, aðeins örfáum mánuðum fyrir slysið. Helgi segir að mörgum hópferðabílstjórum finnist ósanngjarnt að það sé á ábyrgð rútubílstjóra að ökutækin, sem þeir hafa kannski aldrei keyrt áður, séu í góðu ástandi og beri ábyrgð á því samkvæmt lögunum. Rútuslysið varð á Suðurlandsvegi sex kílómetra vestan við Kirkjubæjarklaustur.Vísir/map.is Umhugsunarvert hvort fjölga ætti ástandsskoðunum Fjalar Úlfarsson, fyrrverandi framkvæmdastjóri Hópferðabíla Akureyrar sem gerði út bílinn, segir í samtali við fréttastofu að af þessu hræðilega atviki megi draga lærdóm. Hann segir tilefni til að skoða hvort ekki þurfi að gera kröfu um tíðari ástandsskoðanir þegar í hlut eiga hópferðabílar og flutningabílar. „Atvinnutæki sem eru allajafna meira á ferðinni en einkabíllinn að þeir séu með tíðari skoðanir. Hvort það ætti að vera tvisvar á ári eða bara strangari skoðun,“ segir Fjalar. Ekki þótti ástæða til að ákæra fyrirtækið í ljósi þess að farið var eftir lögum og reglum. Fyrirtækið fékk heimild til greiðslustöðvunar í febrúar síðastliðnum og er ekki lengur í rekstri. „Þessi tiltekni bíll var í bremsu upptekt á viðurkenndu verkstæði í Reykjavík í ágúst eða september, sama ár,“ segir Fjalar sem bætir við að bíllinn hafi sannarlega verið á vetrardekkjum. Það sé þó reglulega erfitt að halda nöglunum heilum þegar keyrt sé á malbiki alla daga. „Þetta gerðist og ef menn geta dregið lærdóm og bætt eitthvað úr þá er það mjög jákvætt.“ Dómsmál Rútuslys við Kirkjubæjarklaustur Samgöngur Samgönguslys Skaftárhreppur Tengdar fréttir Segir mörkin óljós milli ábyrgðar bílstjóra og rútufyrirtækja Hann telur viðhald bifreiða oft ábótavant og bílstjórar ekki alltaf í stakk búnir til að fara yfir öll öryggisatriði. 29. júní 2019 20:45 Sex mánaða fangelsisdómur yfir rútubílstjóra í banaslysi Rútubílstjóri sem ók rútu sem ekið var aftan á fólksbíl og valt út af Suðurlandsvegi vestur af Kirkjubæjarklaustri í desember 2017 hefur verið dæmdur í sex mánaða skilorðsbundið fangelsi. 28. júní 2019 14:22 Mest lesið „Það er komin aðeins skýrari mynd“ Innlent Ísland, þvert á flokka kærir þrjú fyrir hatursorðræðu Innlent Þyrlan á flugi yfir Kópavogi Innlent Helgi hafnar flutningi og lætur af embætti Innlent Módelið svínvirkar fyrir marga en þó ekki alla Innlent Gerðu árás á sjónvarpshúsið í miðri útsendingu Erlent Guðmundur í Brim hættir hjá SFS Innlent Ótækt að íþróttafélögin selji áfengi án leyfis Innlent Árásarmaðurinn í Minnesota handtekinn Erlent Þorbjörg Sigríður biður Ingibjörgu Isaksen afsökunar Innlent Fleiri fréttir Flugfélög með áratuga sögu horfin af markaði Ótækt að íþróttafélögin selji áfengi án leyfis Meðal stærstu skjálfta í Ljósufjallakerfi Guðmundur í Brim hættir hjá SFS Hótelharmleikur, áfengisleyfi í ólagi og hittaramessa Þyrlan á flugi yfir Kópavogi Helgi hafnar flutningi og lætur af embætti „Það er komin aðeins skýrari mynd“ Starfsfólk á kvikmyndasetti Nolan gistir í grunnskóla Þorbjörg Sigríður biður Ingibjörgu Isaksen afsökunar Engar framfarir þrátt fyrir brýningu Loftslagsráðs Íbúar í Kópavogi með öryggismyndavélar hafi samband við lögreglu Kanadískt svifryk hrellir borgarbúa Segir ásakanir SFS um blekkingu og afvegaleiðingu alvarlegar Stofna vinnuhóp til að sporna gegn ofbeldi í garð verslunarmanna Tryggir þjónustu við konur með endómetríósu Teikn á lofti þegar kemur að áfengisneyslu unglinga Hæ, hó og jibbíjeijað um allt land: Svona er dagskráin 17. júní Lágmarks lokanir í kringum Austurvöll á 17. júní Ísland, þvert á flokka kærir þrjú fyrir hatursorðræðu Þref á þingi og ráðherra vill bregðast við hækkandi raforkuverði Björgunarsveitir leita Sigríðar áfram Lausir úr haldi grunaðir um líkamsárás á Akureyri Höfðu samband við frönsku lögregluna vegna andlátanna Ný skýrsla: Raforkuverð heimila hafi hækkað um ellefu prósent Verður verkefnastjóri viðburða og grasrótarstarfs hjá Viðreisn Bein útsending: Kynning á þróun raforkukostnaðar og áhrifum á notendur Hvorki bókun 35 né veiðigjöld á dagskrá í dag Módelið svínvirkar fyrir marga en þó ekki alla „Kærkomin ró“ yfir höfuðborgarsvæðinu Sjá meira
Helgi Haraldsson, hópferðabílstjórinn sem fyrir helgi var dæmdur í sex mánaða skilorðsbundið fangelsi fyrir slysið í desember 2017 á Suðurlandsvegi vestur af Kirkjubæjarklaustri, slasaðist sjálfur alvarlega í þegar rútan valt. Slysið gjörbreytti lífi hans. „Ég er bara í klessu,“ segir Helgi í samtali við fréttastofu. Mun líklegast áfrýja dómnum Auk þess að vera dæmdur í sex mánaða skilorðsbundið fangelsi, var hann sviptur ökuréttindum í tvö ár frá dómsuppsögu og þá þarf Helgi að greiða hátt í þrjár milljónir króna í sakarkostnað. Helga finnst dómurinn byggja á rangfærslum og hyggst áfrýja honum nema lögfræðingar hans ráði honum alfarið frá því. Sjá nánar: Sex mánaða fangelsisdómur yfir rútubílstjóra í banaslysi Fjörutíu og fjórir kínverskir ferðamenn voru um borð í rútunni. Tveir ferðamenn létust og fjölmargir voru fluttir slasaðir af vettvangi, þar af tólf með þyrlu Landhelgisgæslunnar. Tveir af þeim slösuðust alvarlega. Viðbragðsaðilar komu að Helga þar sem hann lá rotaður á framrúðunni við veginn. Helgi segist enn þá ganga haltur því hann meiddist á mjöðm. „Það er til nóg af öðrum bílstjórum“ „Svo sprakk kálfinn á mér. Ég átti lengi í þeim meiðslum vegna þess að það þurfti að bæta svo mikið inn á vöðvann. Í staðinn fyrir að fara í skinnflutning þá var sárið grætt með þorskroði sem er framleitt á Ísafirði,“ segir Helgi. Hann er enn í sjúkraþjálfun og er kominn á örorku. Helgi segir fjölgun ferðamanna hér á landi hafa orðið til þess að álag á rútubílstjóra sé mun meira en áður var. Fram hefur komið að ástand hópferðabílsins hafi verið óviðunandi. „Ég var á honum [rútubílnum] annan daginn í röð. Þetta var þriðji dagurinn með hópinn en fyrsta daginn var ég á lánsbíl frá öðru fyrirtæki,“ segir Helgi sem hugnaðist ekki rútan sem honum var gert að keyra. Hann segir álagið á rútubílstjóra vera mikið og þeir oft í erfiðri stöðu gagnvart vinnuveitendum sínum. „Já, en svona er þetta bara. Það er bara orðið þannig í rekstri á Íslandi. Ef ég geri einhverjar athugasemdir eða neita þá er mér bara sagt: Já, það er til nóg af öðrum bílstjórum.“ Slysið gerðist þegar Helgi var í dagsferð inn að Jökulsárlóni frá Hafnarfirði. Hann segir að eftir slysið hafi menn áttað sig á því hve mikið álagið sé í raun í slíkum túrum. Það varð til þess að allar götur síðan eru tveir bílstjórar sendir í slíka túra. „Þetta er átta hundruð kílómetra-dagur og ég var að keyra allan daginn áður og um kvöldið í norðurljósaferð.“ Frá vettvangi slyssins þann 27. desember 2017.Vísir/Vilhelm Í viðkvæmri stöðu gagnvart vinnuveitendum Helgi var ekki sakfelldur fyrir ástand bifreiðarinnar heldur fyrir að hafa keyrt of hratt miðað við aðstæður og með of stutt bil á milli bifreiða án nægjanlegrar aðgæslu. Þrátt fyrir að Helgi hafi ekki verið látinn axla ábyrgð á slæmu ástandi bifreiðarinnar hefur þetta mál og fleiri dómar sem fallið hafa yfir hópferðabílstjórum á síðustu árum vakið upp umræðu um stöðu hópferðabílstjóra gagnvart vinnuveitendum og þá ábyrgð sem þeir bera samkvæmt lögunum í þeirri mynd sem þau eru nú. Formaður Bifreiðastjórafélagsins Sleipnis sagði í samtali við fréttastofu um helgina að mörkin á milli ábyrgðar bílstjóra og rútufyrirtækja væru óljós þegar slys ættu sér stað. Viðhald bifreiða sé oft ábótavant og bílstjórar ekki alltaf í stakk búnir til að fara yfir öll öryggisatriði. Sjá nánar: Mörkin óljós milli ábyrgðar bílstjóra og rútufyrirtækja „Manni finnst að útgerðarmenn eigi að bera einhverja ábyrgð á því líka að bíllinn sé í lagi. Því þeir eru að afhenda bílinn til langferðar og það er útgerðarmannsins að sjá til þess að bíllinn sé í fullkomnu lagi fyrir ferðina. Það er bílstjórans að renna yfir þau atriði sem hann getur farið yfir,“ sagði Óskar Jens Stefánsson, formaður Bifreiðastjórafélagsins Sleipnis. Segir bifreiðina ekki átt að hafa verið í umferðinni Bíltæknirannsókn á hópferðabifreiðinni leiddi í ljós að hemlagetu hennar hafi verið verulega ábótavant. Aðeins eitt hjól var fullneglt og örfáir naglar í hinum. Bifreiðin hefði í raun ekki að vera í umferð vegna skorts á viðhaldi en þrátt fyrir þetta fór hún í gegnum ástandsskoðun um haustið, aðeins örfáum mánuðum fyrir slysið. Helgi segir að mörgum hópferðabílstjórum finnist ósanngjarnt að það sé á ábyrgð rútubílstjóra að ökutækin, sem þeir hafa kannski aldrei keyrt áður, séu í góðu ástandi og beri ábyrgð á því samkvæmt lögunum. Rútuslysið varð á Suðurlandsvegi sex kílómetra vestan við Kirkjubæjarklaustur.Vísir/map.is Umhugsunarvert hvort fjölga ætti ástandsskoðunum Fjalar Úlfarsson, fyrrverandi framkvæmdastjóri Hópferðabíla Akureyrar sem gerði út bílinn, segir í samtali við fréttastofu að af þessu hræðilega atviki megi draga lærdóm. Hann segir tilefni til að skoða hvort ekki þurfi að gera kröfu um tíðari ástandsskoðanir þegar í hlut eiga hópferðabílar og flutningabílar. „Atvinnutæki sem eru allajafna meira á ferðinni en einkabíllinn að þeir séu með tíðari skoðanir. Hvort það ætti að vera tvisvar á ári eða bara strangari skoðun,“ segir Fjalar. Ekki þótti ástæða til að ákæra fyrirtækið í ljósi þess að farið var eftir lögum og reglum. Fyrirtækið fékk heimild til greiðslustöðvunar í febrúar síðastliðnum og er ekki lengur í rekstri. „Þessi tiltekni bíll var í bremsu upptekt á viðurkenndu verkstæði í Reykjavík í ágúst eða september, sama ár,“ segir Fjalar sem bætir við að bíllinn hafi sannarlega verið á vetrardekkjum. Það sé þó reglulega erfitt að halda nöglunum heilum þegar keyrt sé á malbiki alla daga. „Þetta gerðist og ef menn geta dregið lærdóm og bætt eitthvað úr þá er það mjög jákvætt.“
Dómsmál Rútuslys við Kirkjubæjarklaustur Samgöngur Samgönguslys Skaftárhreppur Tengdar fréttir Segir mörkin óljós milli ábyrgðar bílstjóra og rútufyrirtækja Hann telur viðhald bifreiða oft ábótavant og bílstjórar ekki alltaf í stakk búnir til að fara yfir öll öryggisatriði. 29. júní 2019 20:45 Sex mánaða fangelsisdómur yfir rútubílstjóra í banaslysi Rútubílstjóri sem ók rútu sem ekið var aftan á fólksbíl og valt út af Suðurlandsvegi vestur af Kirkjubæjarklaustri í desember 2017 hefur verið dæmdur í sex mánaða skilorðsbundið fangelsi. 28. júní 2019 14:22 Mest lesið „Það er komin aðeins skýrari mynd“ Innlent Ísland, þvert á flokka kærir þrjú fyrir hatursorðræðu Innlent Þyrlan á flugi yfir Kópavogi Innlent Helgi hafnar flutningi og lætur af embætti Innlent Módelið svínvirkar fyrir marga en þó ekki alla Innlent Gerðu árás á sjónvarpshúsið í miðri útsendingu Erlent Guðmundur í Brim hættir hjá SFS Innlent Ótækt að íþróttafélögin selji áfengi án leyfis Innlent Árásarmaðurinn í Minnesota handtekinn Erlent Þorbjörg Sigríður biður Ingibjörgu Isaksen afsökunar Innlent Fleiri fréttir Flugfélög með áratuga sögu horfin af markaði Ótækt að íþróttafélögin selji áfengi án leyfis Meðal stærstu skjálfta í Ljósufjallakerfi Guðmundur í Brim hættir hjá SFS Hótelharmleikur, áfengisleyfi í ólagi og hittaramessa Þyrlan á flugi yfir Kópavogi Helgi hafnar flutningi og lætur af embætti „Það er komin aðeins skýrari mynd“ Starfsfólk á kvikmyndasetti Nolan gistir í grunnskóla Þorbjörg Sigríður biður Ingibjörgu Isaksen afsökunar Engar framfarir þrátt fyrir brýningu Loftslagsráðs Íbúar í Kópavogi með öryggismyndavélar hafi samband við lögreglu Kanadískt svifryk hrellir borgarbúa Segir ásakanir SFS um blekkingu og afvegaleiðingu alvarlegar Stofna vinnuhóp til að sporna gegn ofbeldi í garð verslunarmanna Tryggir þjónustu við konur með endómetríósu Teikn á lofti þegar kemur að áfengisneyslu unglinga Hæ, hó og jibbíjeijað um allt land: Svona er dagskráin 17. júní Lágmarks lokanir í kringum Austurvöll á 17. júní Ísland, þvert á flokka kærir þrjú fyrir hatursorðræðu Þref á þingi og ráðherra vill bregðast við hækkandi raforkuverði Björgunarsveitir leita Sigríðar áfram Lausir úr haldi grunaðir um líkamsárás á Akureyri Höfðu samband við frönsku lögregluna vegna andlátanna Ný skýrsla: Raforkuverð heimila hafi hækkað um ellefu prósent Verður verkefnastjóri viðburða og grasrótarstarfs hjá Viðreisn Bein útsending: Kynning á þróun raforkukostnaðar og áhrifum á notendur Hvorki bókun 35 né veiðigjöld á dagskrá í dag Módelið svínvirkar fyrir marga en þó ekki alla „Kærkomin ró“ yfir höfuðborgarsvæðinu Sjá meira
Segir mörkin óljós milli ábyrgðar bílstjóra og rútufyrirtækja Hann telur viðhald bifreiða oft ábótavant og bílstjórar ekki alltaf í stakk búnir til að fara yfir öll öryggisatriði. 29. júní 2019 20:45
Sex mánaða fangelsisdómur yfir rútubílstjóra í banaslysi Rútubílstjóri sem ók rútu sem ekið var aftan á fólksbíl og valt út af Suðurlandsvegi vestur af Kirkjubæjarklaustri í desember 2017 hefur verið dæmdur í sex mánaða skilorðsbundið fangelsi. 28. júní 2019 14:22