Real Madrid í viðræðum við PSG um kaup á Neymar

Real Madrid er í viðræðum við frönsku meistaranna í PSG en Sky Sports fréttastofan greinir frá þessu í kvöld.

Brasilíski snillingurinn er talinn vilja yfirgefa PSG í sumar en hann kom til félagsins frá Barcelona árið 2017. Mikið fjaðrafok hefur verið í kringum Neymar í sumar.

Lengi vel var talið að hann væri á leiðinni til Barcelona en félögin hafa ekki komist að samkomulagi. Frönsku meistararnir eru taldir vilja 200 milljónir evra fyrir Brassann.

Real Madrid are in talks with Paris Saint-Germain over the signing of Neymar, according to Sky Sources

— Sky Sports News (@SkySportsNews) August 7, 2019

Sky Sports greindi svo frá því í kvöld að Real væri í viðræðum við PSG um kaup á Neymar en bæði félög  hafa neitað að tjá sig um málið.

Real Madríd hefur verið öflugt á leikmannamarkaðnum í sumar enda var síðasta tímabil vonbrigði hjá félaginu. Þeir enduðu nítján stigum á eftir meisturunum í Barcelona.