Innlit í sjö milljarða villu í Los Angeles

Stjörnufasteignasalinn Erik Conover birtir reglulega fasteignamyndbönd á YouTube síðu sinni þar sem farið er yfir eignir sem aðeins þeir frægu og ríku eiga efni á.

Að þessu sinni var komið að risavillu í Bel Air hverfinu í Los Angeles. Húsið er metið á 56 milljónir dollara eða því sem samsvarar rúmlega sjö milljarða íslenskra króna.

Húsið er við 11490 Orum Road og eru alls níu svefnherbergi í eigninni og 15 baðherbergi.

Húsið er 1765 fermetrar að stærð og er útisvæðið alls 557 fermetrar. Hægt er að leggja þrjátíu bílum við húsið og inni í því. Hér að neðan má sjá yfirferð um þessa fallegu eign.