Maður vopnaður öxi ekki talinn hættulegur

Engin raunveruleg hætta stafaði af manni sem var handtekinn úti á Granda í gærkvöldi vopnaður öxi. Í dagbók lögreglunnar á höfðuborgarsvæðinu kom fram að maður vopnaður öxi hafi verið handtekinn og þá hafi verið lagt hald á tvær axir. Áður hafði borist tilkynning um öskrandi mann með öxi en sá fannst ekki.

Sjá einnig: Handtekinn vopnaður öxi úti á Granda

Samkvæmt upplýsingum frá lögreglu var um sama mann að ræða og voru teknar af honum tvær axir og hann vistaður í fangageymslu. Að sögn lögreglu er maðurinn ekki talinn hættulegur en honum veitt viðeigandi aðstoð. Málið kalli ekki á frekari rannsókn.