Martin stoð­sendinga­hæstur eftir fyrstu um­ferðina í Euro­Leagu­e

Martin Hermannsson fór á kostum í fyrsta leik sínum í Euroleague í gær er Alba Berlín vann sigur á Zenit frá Pétursborg í fyrstu umferð riðlakeppninnar.

Alba lenti í engum vandræðum með Rússana á heimavelli sínum í Þýskalandi í gærkvöldi en munurinn á liðunum varð að lokum tuttugu stig, 85-65.

Martin gaf níu stoðsendingar í fyrstu umferðinni en að auki skoraði hann sjö stig.

Veit ekki með ykkur en mér finnst það gaman að @hermannsson15 sé að leiða Euroleague í stoðsendingum #korfubolti#euroleague#albaberlinpic.twitter.com/S7FBKZ4cD3

— Finnur Stefánsson (@FinnurStef) October 5, 2019

Enginn leikmaður gaf fleiri stoðsendingar en Martin í 1. umferðinni en næstur kom Facundo Campazzo sem leikur með stórliði Real Madrid.

Hann gaf átta stoðsendingar en næstur leikur Alba í Eurolegue er gegn Anadolu Efes frá Tyrklandi á föstudag.