Serge Gnabry eftir fernuna: „Norður-London er rauð“

Serge Gnabry gerði sér lítið og skoraði fernu er Bayern Munchen burstaði Tottenham 7-2 í Meistaradeild Evrópu í gærkvöldi.

Gnabry var lengi í röðum Arsenal en hann gekk sextán ára gamall í raðir Arsenal frá Stuttgart í heimalandinu, Þýskalandi.

Þar lék hann allt til ársins 2016 áður en hann skipti til Werder Bremen og þaðan til Bayern Munchen þar sem hann hefur gert það gott.

North London is RED!!! pic.twitter.com/1Te5YjqpWo

— Serge Gnabry (@SergeGnabry) October 1, 2019

Hann sendi því smá pillu á stuðningsmenn Tottenham í gær eftir leikinn er hann birti mynd af sér úr leiknum fræga í gærkvöldi og skrifaði að „Norður-London er rauð“.

Tottenham og Arsenal eru miklir grannar í Norður-Lundúnum en atvikið vakti mikla lukku meðal stuðningsmanna Arsenal. Þó vakti það minni lukku meðal stuðningsmanna Tottenham sem létu Gnabry fá það óþvegið.