Enn eitt markið úr föstu leikatriði kostaði Arsenal 3. sætið

Arsenal mistókt að komast í 3. sæti ensku úrvalsdeildarinnar í kvöld er tapaði liðið 1-0 fyrir nýliðum Sheffield United er liðin mættust á Bramall Lane.

Leikurinn var síðasti leikur 9. umferðarinnar í ensku úrvalsdeildinni en með sigri hefði Arsenal getað skotist upp í 3. sæti deildarinnar og verið stigi á eftir Man. City í öðru sætinu.

Gestirnir byrjuðu vel og það var kraftur í leikmönnum Arsenal. Besta færi þeirra í hálfleik fékk Pepe en hann klúðraði dauðafæri er hann hitti ekki boltann í vítateig Sheffield.

Fyrsta og eina mark leiksins kom á 30. mínútu. Hornspyrna Sheffield rataði á kollinn á Jack O'Connell sem kom boltanum áfram fyrir fætur Lys Mousset sem skoraði. Vandræði Arsenal halda áfram í uppsettum atriðum.

22 - Arsenal have conceded 22 Premier League goals from set-pieces since the start of last season; only Watford (25) and Everton (24) have conceded more. Weakness. pic.twitter.com/5k0jVkbUZJ

— OptaJoe (@OptaJoe) October 21, 2019

Skömmu síðar vildu Arsenal-menn fá vítaspyrnu sem þeir fengu ekki. Fredrik Ljungberg, aðstoðarþjálfari liðsins, var spjaldaður fyrir kjaftbrúk eftir það atvik.

Arsenal sótti og sótti í síðari hálfleik en náði ekki að koma boltanum í netið hjá Sheffield. Annað tap Arsenal á leiktíðinni staðreynd.

0️- Arsenal fail to score in a Premier League away match against promoted opposition for the first time since their 1-0 defeat at @SheffieldUnited on 30 December 2006. #SHUARS

— Gracenote Live (@GracenoteLive) October 21, 2019

Sheffield er í 9. sæti deildarinnar með tólf stig en Arsenal er í 5. sætinu með fimmtán.