Suðurnesjaslagir í 16-liða úrslitum Geysisbikarsins

Stórleikur 16-liða úrslita Geysisbikars karla í körfubolta verður væntanlega grannaslagur Njarðvíkur og Keflavíkur. Einum leik í 32-liða úrslitunum er ólokið. Þar mætir topplið Domino's deildar karla, Keflavík, b-liði Þórs Ak.

Njarðvík og Keflavík drógust einnig saman í 16-liða úrslitum Geysisbikars kvenna. Dregið var í höfuðstöðvum ÍSÍ í dag.

Bikarmeistarar Vals í kvennaflokki sækja Snæfell heim. Bikarmeistarar Stjörnunnar í karlaflokki fá Reyni S. í heimsókn.

Í 16-liða úrslitum karla sækja Íslandsmeistar KR Grindavík heim. Þá mætast Þórsliðin frá Þorlákshöfn og Akureyri.

Leikirnir í 16-liða úrslitum Geysisbikarsins fara fram 5.-7. desember næstkomandi.

16-liða úrslit Geysisbikars karla:

Þór Þ. - Þór Ak.

Grindavík - KR

Vestri - Fjölnir

Stjarnan - Reynir S.

Tindastóll - Álftanes

Valur - Breiðablik

Sindri - Ármann

Njarðvík - Keflavík/Þór Ak. b

16-liða úrslit Geysisbikars kvenna:

Njarðvík - Keflavík

Tindastóll - Haukar

Snæfell - Valur

Fjölnir - KR

Sitja hjá:

Breiðablik

ÍR

Grindavík

Skallagrímur