Roon­ey mætir á bekkinn hjá Der­by á laugar­daginn

Wayne Rooney verður að öllum líkindum mættur á varamannabekkinn hjá Derby á laugardaginn er liðið spilar við QPR í ensku B-deildinni.

Rooney samdi við Derby í síðasta mánuði en hann hefur undanfarin ár leikið með DC United í MLS-deildinni. Nú snýr hann aftur til Englands og samdi við Derby til næstu átján mánaða.

Rooney mun ekki bara spila með Derby heldur verður hann í þjálfarateymi Phillip Cocu. Hann getur ekki spilað með Derby fyrr en í janúar en gæti verið í þjálfarateyminu þangað til.

See you on Saturday, Wayne. @WayneRooney will be at #DCFCvQPR on Saturday - and you can be too!

Tickets  https://t.co/oWA6Ezwh5d

— Derby County (@dcfcofficial) November 27, 2019

Derby steinlá í vikunni er Derby tapaði 3-0 fyrir Fulham á útivelli en Cocu staðfesti á blaðamannafundi fyrir helgina að hinn 34 ára gamli Rooney gæti verið á bekknum á laugardag.

Rooney hefur heimsótt Derby í tvígang eftir að hafa samið við félagið en hann er nýkominn heim frá Dúbaí þar sem hann fékk að fara í frí með fjölskyldunni.

Derby er í  13. sæti deildarinnar með 24 stig, þó einungis fimm stigum frá umspilssæti um sæti í deild þeirra bestu, en Derby fór í úrslitaleik umspilsins á síðustu leiktíð.