Guðfinna og Davíð Þór skrá sig í samband á Facebook

Guðfinna Jóhanna Guðmundsdóttir, lögmaður og fyrrverandi borgarfulltrúi, og Davíð Þór Björgvinsson landsréttardómari skráðu sig í samband á Facebook í gærkvöldi.

Guðfinna bauð sig fram fyrir Framsókn og flugvallarvini í borgarstjórnarkosningunum árið 2014 og sat í borgarstjórn til ársins 2018. Þá leiddi hún lista Miðflokksins í Reykjavíkurkjördæmi norður í síðustu alþingiskosningum en náði ekki kjöri.

Davíð Þór er varaforseti Landsréttar og er fyrrverandi dómari við Mannréttindadómstól Evrópu. Þá gegnir hann stöðu rannsóknarprófessors við lagadeild Háskóla Íslands.

Þrettán ára aldursmunur er á parinu en Davíð Þór er fæddur árið 1956 og Guðfinna árið 1969.