Stormur í vatnsglasi og „á einhverjum misskilningi byggt“ Kristín Ólafsdóttir skrifar 16. desember 2019 11:17 Jólaþorpshestarnir á ferðinni nú á aðventunni. Facebook/Hafnarfjarðarbær Bæjarstjóri Hafnarfjarðarbæjar segir deilur um hestvagnaferðir í jólaþorpi Hafnarfjarðar, sem komu upp um helgina, byggðar á ákveðnum misskilningi. Bænum hafi borið skylda til að taka athugasemdirnar til umfjöllunar og takmörkun á ferðunum á laugardag hafi verið til málamiðlunar. Ferðirnar hafa síðan verið, og verða áfram, með hefðbundnu sniði nú á aðventunni – en fjarlægari framtíð er þó óskrifað blað. Svívirðingar, hatur og hótanir Hestakonan Bettina Wunsch hefur boðið upp á hestvagnaferðir í jólaþorpinu um árabil. Um helgina var greint frá því að takmarkanir hefðu verið sett á ferðir Bettinu í þorpinu vegna athugasemda frá Vegan-búðinni. Vegan-búðin stendur við Strandgötu í Hafnarfirði, hvar hestarnir fara um með vagnana. Miklar deilur spruttu í kjölfarið upp um málið, einkum inni á Facebook-hópnum Vegan Íslandi. Þá sendu aðstandendur Vegan-búðarinnar frá sér yfirlýsingu þar sem fram kom að ákvörðunin um takmarkanir á hestvagnaferðunum væri alfarið bæjaryfirvalda í Hafnarfirði. Verslunin gekkst þó vissulega við því að hafa komið á framfæri athugasemdum vegna hestanna, eftir „fjölda áskorana frá viðskiptavinum og grænkerum“. „Í kjölfarið hófst mikill stormur og hefur svívirðingum, hatri og hótunum rignt yfir bæði Vegan búðina og grænkera almennt,“ sagði jafnframt í yfirlýsingu Vegan-búðarinnar. Rétt er að nefna að áætlun hestvagnanna var aðeins breytt á laugardag og hún stytt frá því sem áður hafði verið. Ferðirnar voru aftur farnar samkvæmt hefðbundinni áætlun í gær, sunnudag, og verða áfram með sama hætti út aðventuna. Sættu ólík sjónarmið á laugardaginn Rósa Guðbjartsdóttir bæjarstjóri í Hafnarfirði ræddi málið frá sjónarhóli bæjaryfirvalda í útvarpsþættinum Bítinu á Bylgjunni í morgun. Hún segir að það hafi verið skylda bæjarins að bregðast við athugasemdum Vegan-búðarinnar. „Við fengum fyrir nokkrum dögum, bæjaryfirvöld, mjög alvarlegar athugasemdir vegna þessa máls, um starfsemi í kringum þessa hestvagna og að veganistar gerðu alvarlegar athugasemdir við að bærinn væri að leyfa þetta í kringum jólaþorpið. Okkar skylda, miðað við eðli málsins og miðað við hversu alvarlegar athugasemdirnar voru, þá ber okkur auðvitað skylda til að ræða við hlutaðeigandi og fara yfir málin." Rósa Guðbjartsdóttir, bæjarstjóri Hafnarfjarðar.Vísir Málið hafi svo verið rætt síðasta föstudag – og fjaðrafokið í kjölfarið hafi komið nokkuð á óvart. „Og það varð úr, til að sætta ólík sjónarmið, að daginn eftir myndi vagninn aka í skemmri tíma en verið hafði. […] Þetta varð einhver umræða á samfélagsmiðlum sem kom held ég öllum dálítið á óvart miðað við samtölin sem áttu sér stað síðdegis á föstudeginum.“ Öll leyfi á hreinu Þá er málið aftur á dagskrá í bæjarráði næsta fimmtudag, þar sem það verður tekið fyrir. „Ég held þetta sé nú allt dálítill stormur í vatnsglasi og líka á einverjum misskilningi byggt,“ sagði Rósa.En í hverju fólust athugasemdirnar?„Það er verið að gera athugasemdir við það að það sé verið að nota dýrin í þessum tilgangi og aðbúnað á staðnum. En ég vek athygli á því að viðkomandi aðili sem á þessa hesta og stendur fyrir þessu er með öll tilskilin leyfi til að vera þarna í jólaþorpinu og það er það sem við þurfum að horfa á. Það eru alls konar tilfinningar og alls konar skoðanir í gangi um ýmis mál í samfélaginu öllu en við sem bæjaryfirvöld þurfum að horfa til þess að þarna eru öll leyfi á hreinu og við treystum viðkomandi aðila sem er að gera þetta fimmta árið í röð til að hugsa vel um dýrin sín og geta metið það sjálf hvað er dýrunum fyrir bestu og það hefur verið mjög mikil ánægja með þetta í gegnum árin,“ sagði Rósa. Strandgatan í Hafnarfirði frá Lækjargötu að Linnetstíg breytist í göngugötu á meðan Jólaþorpið er opið.Mynd/Lalli Kalli Framtíðin óskrifað blað Innt eftir því hvort til standi að endurskoða fyrirkomulagið með hestana, og jafnvel hætta alveg með þá, sagði Rósa að framtíðin væri óráðin. „Þetta er fimmta árið í röð sem við erum með þetta, bærinn. Og eins og ég segi erum við alltaf að skoða nýjungar og breytingar í jólaþorpinu og það er tekin ákvörðun á hverju ári fyrir sig hvað er boðið upp á, hvaða skemmtiatriði. Það er alltaf verið að bæta og betra jólaþorpið, það hefur aldrei verið fallegra en í ár og ákaflega góð stemning og mjög vel sótt,“ sagði Rósa. „Framtíðin mun skera úr um það. Núna eru aðstæður þannig að hestarnir eru á grænum bletti þarna við Strandgötuna þar sem þeir eru hafðir á milli ferðanna. Það er blettur sem verður byggt á í framtíðinni þannig að framtíðin er óskrifað blað.“Viðtalið við Rósu má hlusta á í heild í spilaranum hér að neðan. Dýr Hafnarfjörður Jól Vegan Tengdar fréttir Jólin hefjast formlega í Hafnarfirði á föstudag Jólaþorpið í Hafnarfirði verður opnað með hátíðlegri dagskrá föstudaginn 29. nóvember. Ljósin verða tendruð á jólatrénu á Thorsplani. 26. nóvember 2019 12:00 Vegan búðin segist ekki hafa hrakið hestvagna úr jólaþorpinu Vegan búðin hefur birt yfirlýsingu á Facebook-síðu sinni þar sem því er hafnað að hestvagnar hefðu verið bannaðir í jólaþorpinu vegna búðarinnar og viðskiptavina hennar. 14. desember 2019 14:02 Mest lesið Erlendur ferðamaður lést við Hrafntinnusker Innlent Bátar brenna í Bolungarvík Innlent Rok og rigning sama hvert er litið Veður Meðvitundarlaus maður sóttur í Silfru Innlent Leigubíll án verðmerkingar og veitingastaðir í óleyfi Innlent Atvinnubílstjóri með farþega undir áhrifum áfengis í vinnunni Innlent „Fór algjörlega fram úr björtustu vonum“ Innlent Segir áhyggjuefni að ESB hafi platað Íslendinga í tíu ár Innlent Segir Guðlaug fara með rangt mál: „Hvimleið þessi valkvæða hlustun stjórnarandstöðunnar“ Innlent Stal 73 rauðvínsflöskum og rúllaði burt á þríhjóli Erlent Fleiri fréttir Sjáanlega nóg komið þegar þjóðarleiðtogar taka undir Eldur í yfirgefnu húsi í Borgartúni Tvítugur Akureyringur með rafskutluleigu fyrir ferðamenn Þekktum Íslendingum lögð orð í munn með gervigreind Fulltrúar minnihlutans á einu um að tollarnir hafi ekki verið ræddir Gervigreind leggur Íslendingum orð í munn, bátabruni og veðrið um versló Atvinnubílstjóri með farþega undir áhrifum áfengis í vinnunni Segir áhyggjuefni að ESB hafi platað Íslendinga í tíu ár „Ökum slóðann” – Átaksverkefni gegn utanvegaakstri Erlendur ferðamaður lést við Hrafntinnusker Meðvitundarlaus maður sóttur í Silfru Segir Guðlaug fara með rangt mál: „Hvimleið þessi valkvæða hlustun stjórnarandstöðunnar“ Bátar brenna í Bolungarvík Utanríkisráðherra segir stjórnarandstöðuna fara rangt með mál „Fór algjörlega fram úr björtustu vonum“ Tekist á um Evrópumálin Merkúr Máni sótti brons í Ólympíukeppninni í líffræði Leigubíll án verðmerkingar og veitingastaðir í óleyfi Virknin minnkað þó áfram gjósi Tjald vonarinnar brann til kaldra kola Skötumessur Ásmundar Friðrikssonar gefa vel af sér „Þá er samkeppnishæfnin farin, það segir sig bara sjálft“ Líkamsárás í farþegaskipi „Kaldar kveðjur frá ESB“ og tilfinningaþrungin stund á Druslugöngu Hvalfjarðargöng opin á ný „Það er verið að taka aðeins of mikið“ Díselþjófar staðnir að verki: „Þetta er búið að kosta okkur milljónir“ „Ég held að það sé nú best að anda rólega“ Áhugi ungra stráka á Druslugöngunni kom skemmtilega á óvart Mögulegir Evróputollar á íslenskar vörur, lundastofn í rénun og Druslugangan Sjá meira
Bæjarstjóri Hafnarfjarðarbæjar segir deilur um hestvagnaferðir í jólaþorpi Hafnarfjarðar, sem komu upp um helgina, byggðar á ákveðnum misskilningi. Bænum hafi borið skylda til að taka athugasemdirnar til umfjöllunar og takmörkun á ferðunum á laugardag hafi verið til málamiðlunar. Ferðirnar hafa síðan verið, og verða áfram, með hefðbundnu sniði nú á aðventunni – en fjarlægari framtíð er þó óskrifað blað. Svívirðingar, hatur og hótanir Hestakonan Bettina Wunsch hefur boðið upp á hestvagnaferðir í jólaþorpinu um árabil. Um helgina var greint frá því að takmarkanir hefðu verið sett á ferðir Bettinu í þorpinu vegna athugasemda frá Vegan-búðinni. Vegan-búðin stendur við Strandgötu í Hafnarfirði, hvar hestarnir fara um með vagnana. Miklar deilur spruttu í kjölfarið upp um málið, einkum inni á Facebook-hópnum Vegan Íslandi. Þá sendu aðstandendur Vegan-búðarinnar frá sér yfirlýsingu þar sem fram kom að ákvörðunin um takmarkanir á hestvagnaferðunum væri alfarið bæjaryfirvalda í Hafnarfirði. Verslunin gekkst þó vissulega við því að hafa komið á framfæri athugasemdum vegna hestanna, eftir „fjölda áskorana frá viðskiptavinum og grænkerum“. „Í kjölfarið hófst mikill stormur og hefur svívirðingum, hatri og hótunum rignt yfir bæði Vegan búðina og grænkera almennt,“ sagði jafnframt í yfirlýsingu Vegan-búðarinnar. Rétt er að nefna að áætlun hestvagnanna var aðeins breytt á laugardag og hún stytt frá því sem áður hafði verið. Ferðirnar voru aftur farnar samkvæmt hefðbundinni áætlun í gær, sunnudag, og verða áfram með sama hætti út aðventuna. Sættu ólík sjónarmið á laugardaginn Rósa Guðbjartsdóttir bæjarstjóri í Hafnarfirði ræddi málið frá sjónarhóli bæjaryfirvalda í útvarpsþættinum Bítinu á Bylgjunni í morgun. Hún segir að það hafi verið skylda bæjarins að bregðast við athugasemdum Vegan-búðarinnar. „Við fengum fyrir nokkrum dögum, bæjaryfirvöld, mjög alvarlegar athugasemdir vegna þessa máls, um starfsemi í kringum þessa hestvagna og að veganistar gerðu alvarlegar athugasemdir við að bærinn væri að leyfa þetta í kringum jólaþorpið. Okkar skylda, miðað við eðli málsins og miðað við hversu alvarlegar athugasemdirnar voru, þá ber okkur auðvitað skylda til að ræða við hlutaðeigandi og fara yfir málin." Rósa Guðbjartsdóttir, bæjarstjóri Hafnarfjarðar.Vísir Málið hafi svo verið rætt síðasta föstudag – og fjaðrafokið í kjölfarið hafi komið nokkuð á óvart. „Og það varð úr, til að sætta ólík sjónarmið, að daginn eftir myndi vagninn aka í skemmri tíma en verið hafði. […] Þetta varð einhver umræða á samfélagsmiðlum sem kom held ég öllum dálítið á óvart miðað við samtölin sem áttu sér stað síðdegis á föstudeginum.“ Öll leyfi á hreinu Þá er málið aftur á dagskrá í bæjarráði næsta fimmtudag, þar sem það verður tekið fyrir. „Ég held þetta sé nú allt dálítill stormur í vatnsglasi og líka á einverjum misskilningi byggt,“ sagði Rósa.En í hverju fólust athugasemdirnar?„Það er verið að gera athugasemdir við það að það sé verið að nota dýrin í þessum tilgangi og aðbúnað á staðnum. En ég vek athygli á því að viðkomandi aðili sem á þessa hesta og stendur fyrir þessu er með öll tilskilin leyfi til að vera þarna í jólaþorpinu og það er það sem við þurfum að horfa á. Það eru alls konar tilfinningar og alls konar skoðanir í gangi um ýmis mál í samfélaginu öllu en við sem bæjaryfirvöld þurfum að horfa til þess að þarna eru öll leyfi á hreinu og við treystum viðkomandi aðila sem er að gera þetta fimmta árið í röð til að hugsa vel um dýrin sín og geta metið það sjálf hvað er dýrunum fyrir bestu og það hefur verið mjög mikil ánægja með þetta í gegnum árin,“ sagði Rósa. Strandgatan í Hafnarfirði frá Lækjargötu að Linnetstíg breytist í göngugötu á meðan Jólaþorpið er opið.Mynd/Lalli Kalli Framtíðin óskrifað blað Innt eftir því hvort til standi að endurskoða fyrirkomulagið með hestana, og jafnvel hætta alveg með þá, sagði Rósa að framtíðin væri óráðin. „Þetta er fimmta árið í röð sem við erum með þetta, bærinn. Og eins og ég segi erum við alltaf að skoða nýjungar og breytingar í jólaþorpinu og það er tekin ákvörðun á hverju ári fyrir sig hvað er boðið upp á, hvaða skemmtiatriði. Það er alltaf verið að bæta og betra jólaþorpið, það hefur aldrei verið fallegra en í ár og ákaflega góð stemning og mjög vel sótt,“ sagði Rósa. „Framtíðin mun skera úr um það. Núna eru aðstæður þannig að hestarnir eru á grænum bletti þarna við Strandgötuna þar sem þeir eru hafðir á milli ferðanna. Það er blettur sem verður byggt á í framtíðinni þannig að framtíðin er óskrifað blað.“Viðtalið við Rósu má hlusta á í heild í spilaranum hér að neðan.
Dýr Hafnarfjörður Jól Vegan Tengdar fréttir Jólin hefjast formlega í Hafnarfirði á föstudag Jólaþorpið í Hafnarfirði verður opnað með hátíðlegri dagskrá föstudaginn 29. nóvember. Ljósin verða tendruð á jólatrénu á Thorsplani. 26. nóvember 2019 12:00 Vegan búðin segist ekki hafa hrakið hestvagna úr jólaþorpinu Vegan búðin hefur birt yfirlýsingu á Facebook-síðu sinni þar sem því er hafnað að hestvagnar hefðu verið bannaðir í jólaþorpinu vegna búðarinnar og viðskiptavina hennar. 14. desember 2019 14:02 Mest lesið Erlendur ferðamaður lést við Hrafntinnusker Innlent Bátar brenna í Bolungarvík Innlent Rok og rigning sama hvert er litið Veður Meðvitundarlaus maður sóttur í Silfru Innlent Leigubíll án verðmerkingar og veitingastaðir í óleyfi Innlent Atvinnubílstjóri með farþega undir áhrifum áfengis í vinnunni Innlent „Fór algjörlega fram úr björtustu vonum“ Innlent Segir áhyggjuefni að ESB hafi platað Íslendinga í tíu ár Innlent Segir Guðlaug fara með rangt mál: „Hvimleið þessi valkvæða hlustun stjórnarandstöðunnar“ Innlent Stal 73 rauðvínsflöskum og rúllaði burt á þríhjóli Erlent Fleiri fréttir Sjáanlega nóg komið þegar þjóðarleiðtogar taka undir Eldur í yfirgefnu húsi í Borgartúni Tvítugur Akureyringur með rafskutluleigu fyrir ferðamenn Þekktum Íslendingum lögð orð í munn með gervigreind Fulltrúar minnihlutans á einu um að tollarnir hafi ekki verið ræddir Gervigreind leggur Íslendingum orð í munn, bátabruni og veðrið um versló Atvinnubílstjóri með farþega undir áhrifum áfengis í vinnunni Segir áhyggjuefni að ESB hafi platað Íslendinga í tíu ár „Ökum slóðann” – Átaksverkefni gegn utanvegaakstri Erlendur ferðamaður lést við Hrafntinnusker Meðvitundarlaus maður sóttur í Silfru Segir Guðlaug fara með rangt mál: „Hvimleið þessi valkvæða hlustun stjórnarandstöðunnar“ Bátar brenna í Bolungarvík Utanríkisráðherra segir stjórnarandstöðuna fara rangt með mál „Fór algjörlega fram úr björtustu vonum“ Tekist á um Evrópumálin Merkúr Máni sótti brons í Ólympíukeppninni í líffræði Leigubíll án verðmerkingar og veitingastaðir í óleyfi Virknin minnkað þó áfram gjósi Tjald vonarinnar brann til kaldra kola Skötumessur Ásmundar Friðrikssonar gefa vel af sér „Þá er samkeppnishæfnin farin, það segir sig bara sjálft“ Líkamsárás í farþegaskipi „Kaldar kveðjur frá ESB“ og tilfinningaþrungin stund á Druslugöngu Hvalfjarðargöng opin á ný „Það er verið að taka aðeins of mikið“ Díselþjófar staðnir að verki: „Þetta er búið að kosta okkur milljónir“ „Ég held að það sé nú best að anda rólega“ Áhugi ungra stráka á Druslugöngunni kom skemmtilega á óvart Mögulegir Evróputollar á íslenskar vörur, lundastofn í rénun og Druslugangan Sjá meira
Jólin hefjast formlega í Hafnarfirði á föstudag Jólaþorpið í Hafnarfirði verður opnað með hátíðlegri dagskrá föstudaginn 29. nóvember. Ljósin verða tendruð á jólatrénu á Thorsplani. 26. nóvember 2019 12:00
Vegan búðin segist ekki hafa hrakið hestvagna úr jólaþorpinu Vegan búðin hefur birt yfirlýsingu á Facebook-síðu sinni þar sem því er hafnað að hestvagnar hefðu verið bannaðir í jólaþorpinu vegna búðarinnar og viðskiptavina hennar. 14. desember 2019 14:02