Steindi og Sigrún eignuðust sitt annað barn

Steinþór Hróar Steinþórsson sjónvarpsmaður og Sigrún Sigurðardóttir snyrti- og förðungarfræðingur eignuðust fyrir skömmu sitt annað barn. Fyr­ir á parið eina dóttur, Ronju Nótt, sem fæddist árið 2014.

Steinþór, sem er betur þekktur undir nafninu Steindi Jr., greinir frá fæðingu barnsins á Instagram-reikningi sínum í dag.

„Við gæt­um ekki verið ham­ingju­sam­ari með nýja fjöl­skyldumeðlim­inn og ég gæti ekki verið stolt­ari af Sigrúnu að hafa gengið í gegn­um þetta aft­ur. Því­líkt hörku­tól. Móður og barni heils­ast vel,“ skrifar Steindi á Instagram.

Með fylgja myndir af fjölskyldunni sem nú hefur stækkað um einn. Færsluna má sjá hér að neðan.

Steindi hafði þegar greint frá því að þau Sigrún ættu von á annarri stúlku. Það varð honum ljóst þegar svokölluð „kynjablaðra“ sprakk yfir hann með eftirminnilegum hætti.

Í spilaranum hér að neðan má horfa á viðtal Stefáns Árna Pálssonar við Steinda í þættinum Einkalífinu í nóvember í fyrra.