Tveir greindust hjá Íslenskri erfðagreiningu

Tveir einstaklingar greindust með kórónuveiruna sem veldur Covid-19 hjá Íslenskri erfðagreiningu í gær. Einn greindist við landamæraskimun en beðið er eftir niðurstöðum úr mótefnamælingu hjá öðrum.

Samkvæmt upplýsingum á covid.is greindist enginn á sýkla- og veirufræðideild Landspítalans en 114 eru nú í einangrun. 938 eru í sóttkví og fækkar þeim um 24. 

Tveir liggja nú á sjúkrahúsi og einn á gjörgæslu.

Enn eru virk smit í öllum landshlutum, langflest á höfuðborgarsvæðinu. Þar eru einnig langflestir, eða 639, í sóttkví. Þar á eftir kemur Suðurland, þar sem hundrað eru í sóttkví líkt og í gær.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, lækkar úr 27,0 niður í 25,9. Nýgengi landamærasmita fer úr 3,0 í 3,5.