BBC segir Young farinn til Inter en Sky segir að United bjóði honum fram­lengingu

Ashley Young hefur verið boðinn eins árs framlenging á samningi sínum hjá Manchester United samkvæmt Sky Sports.

BBC greindi frá því í morgun að Young væri farinn til Inter Milan en samningur hans við United rennur út í sumar.

Sky Sports er ekki á sama máli og segir að United hafi boðið honum árs framlengingu en hinn 34 ára gamli Young hefur verið hjá United síðan 2011.

BREAKING: Manchester United have offered Ashley Young a one-year contract extension in order to fend off interest from Inter Milan.

— Sky Sports News (@SkySportsNews) January 9, 2020

Antonio Conte vill fá Young til Inter og var talið að hann gæti mögulega farið frá félaginu í janúar en nú er þa óvíst.

Conte er sagður mikill aðdáandi United fyrirliðans og reyndi að krækja í hann árið 2017 er hann var með Chelsea.

Young er sagður vera með átján mánuða tilboð í höndunum frá Inter.

Ole Gunnar Solskjær, stjóri Man. United, er ekki sagður vilja missa Young en hann er einn af leiðtogunum í búningsklefanum.