Körfubolti

Tryggvi með flest framlagsstig í sigri Zaragoza

Ingvi Þór Sæmundsson skrifar
Bárðdælingurinn átti góðan leik gegn Gran Canaria.
Bárðdælingurinn átti góðan leik gegn Gran Canaria. vísir/getty

Tryggvi Snær Hlinason átti góðan leik þegar Zaragoza sigraði Gran Canaria, 81-62, á heimavelli í spænsku úrvalsdeildinni í körfubolta í dag.

Tryggvi var í byrjunarliði Zaragoza og lék í rúmar 22 mínútur.

Hann skoraði 13 stig og var næststigahæstur í liði Zaragoza. Tryggvi tók einnig fjögur fráköst og gaf tvær stoðsendingar.

Tryggvi skoraði úr fjórum af fimm skotum sínum utan af velli og nýtti fimm af sex vítaskotum sínum.

Tryggvi var alls með 22 framlagsstig, flest allra í liði Zaragoza sem er í 3. sæti deildarinnar.

Körfubolti

Mest lesið


Fleiri fréttir

Sjá meira


×

Mest lesið