Liver­pool fyrsta liðið til að tryggja sér sæti í riðla­keppni Meistara­deildarinnar á næstu leik­tíð

Evrópumeistarar Liverpool hafa nú þegar tryggt sér sæti í riðlakeppni Meistaradeildar Evrópu tímabilið 2020/2021.

Þetta varð ljóst eftir að Manchester United vann 2-0 sigur á Chelsea á Brúnni í kvöld en úrslitin gera það að verkum að Liverpool mun enda í einum af fjórum efstu sætunum.

Liðið er með 25 stiga forskot á toppi ensku deildarinnar eftir 26 umferðir og eru komnir með níu fingur á enska meistaratitilinn.

- @LFC are the first team to qualify for the 2020/21 @ChampionsLeague group stage, even before the KO stages of the 2019/20 have started. #UCL#LFC

— Gracenote Live (@GracenoteLive) February 17, 2020

Þeir eru fyrsta liðið til þess að tryggja sér sæti í riðlakeppni Meistaradeildarinnar á næstu leiktíð enda er einungis 17. febrúar.

Liðið leikur við Atletico Madrid í 16-liða úrslitunum annað kvöld er liðin mætast í fyrri leik liðanna. Liverpool á titil að verja eftir sigurinn á síðustu leiktíð.

Leikurinn annað kvöld verður að sjálfsögðu sýndur í beinni útsendingu á Stöð 2 Sport.

Three years ago, Liverpool needed a win in the last game of the season to qualify for UCL.

Today, we've qualified with TWELVE games to spare.

My club is UNREAL.

— Teelaw (@The_real_Teelaw) February 17, 2020