Tryggvi Snær Hlinason hefur byrjað undankeppni HM 2023 af miklum krafti og er á toppnum eða við toppinn á fjórum af stærstu tölfræðiþáttunum.
Eftir fyrstu tvær umferðirnar í forkeppni undankeppni HM 2023 þá er Tryggvi með flest fráköst og flest varin skot að meðaltali í leik og svo í öðru sæti yfir flest stig og hæsta framlag í leik.
Tryggvi tók 14,5 fráköst að meðaltali í þessum fyrstu tveimur leikjum en næstur honum kemur Clancy Rugg frá Lúxemborg með 14,0 fráköst í leik. Clancy Rugg er einn af mörgum bandarísku leikmönnunum sem spila með hinum landsliðunum í þessari keppni.
Tryggvi varð síðan 5,5 skot að meðaltali í þessum tveimur leikjum en næstur honum á þeim lista kemur Slóvakinn Vladimir Brodziansky með 3,0 varin skot í leik.
Umræddur Clancy Rugg er með flest stig í leik eða 25,5 í leik en Tryggvi kemur næstur með 21,0 stig að meðaltali.
Tryggvi er líka næstu á eftir Clancy Rugg í framlagi en Clancy Rugg er með 32,5 framlagsstig að meðaltali en Tryggvi er rétt á eftir með 32,0 framlagsstig í leik. Kósóvinn Drilion Hajrizi er síðan með 30,5 framlagsstig í leik.
Pavel Ermolinskij spilaði bara seinni leikinn í þessum glugga en gaf í honum 11 stoðsendingar. Hann er með með flestar slíkar að meðaltali og væri líka í öðru sæti yfir heildarstoðsendingar í þessum tveimur fyrstu umferðum.
Tryggvi í efsta sæti í fráköstum og vörðum skotum
Tengdar fréttir
Meira en 29 ár síðan 2,16 metra maður skoraði síðast 20 stig fyrir íslenska landsliðið
Tryggvi Snær Hlinason átti sinn besta landsleik á ferlinum í gærkvöldi þegar hann fór fyrir sigri Íslands á Slóvakíu í Laugardalshöllinni.
Tryggvi: Mjög gott að komast aðeins heim og fylla á afurðina að heiman
Tryggvi Hlinason átti einn sinn besta landsleik frá upphafi þegar íslenska landsliðið í körfubolta sigraði það slóvakíska í gær, 83-74. Leikurinn var hluti af undankeppni HM 2023.
Umfjöllun og viðtöl: Ísland - Slóvakía 83-74 | Tryggvi stórkostlegur í nauðsynlegum sigri
Íslenska körfuboltalandsliðið vann góðan sigur á Slóvakíu í Laugardalshöllinni í kvöld, 83-74.
