Brimborg og Askja inn­kalla bif­reiðar

Bílaumboðin Askja og Brimborg hafa þurft að innkalla bíla í gær og fyrradag. Askja tilkynnt um innköllun á 20 Mercedens-Benz X-Class pallbílum. Brimborg hefur tilkynnt um innköllun á 22 Ford Kuga PHEV bíla.

Ford Kuga PHEV

Ástæða innköllunar er að rannsóknir Ford hafa leitt í ljós að við afar sjaldgæfar aðstæður getur drifrafhlaða bílsins þurft að losa sig við heitar lofttegundir til þess að minnka þrýsting og hita. Hitinn getur haft áhrif á aðra íhluti og í versta falli valdið eldhættu.

Til að fyrirbyggja þetta hefur Ford ákveðið að bæta við loftstýringu. Áður en loftstýringu hefur verið bætt við er rétt að ítreka að bílarnir séu ekki settir í hleðslu og einungis aka bílnum í þeirri stillingu sem bíllinn fer í við ræsingu „AUTO EV“.

Viðkomandi bifreiðareigendum verður tilkynnt bréfleiðis um innköllunina.

Mercedes-Benz X-Class

Ástæða innköllunar er að hámarksþyngd ofan á þaki bifreiðarinnar er ekki rétt skv. handbók í bifreiðinni. Viðkomandi bifreiðareigendum verður tilkynnt um innköllunina símleiðis samkvæmt tilkynningu frá Öskju.

Hægt er að fletta upp hvort útistandandi innköllun sé á bíl, eftir skráningarnúmeri eða vin-númeri á heimasíðu Neytendastofu.