Barkley: Risastórt fyrir mig að skora gegn Liverpool

Ross Barkley, leikmaður Chelsea, var að vonum í skýjunum eftir sigurleikinn gegn Liverpool í bikarnum í gær en hann skoraði síðara mark Chelsea í 2-0 sigri.

Barkley er alinn upp hjá Everton og því gaf markið honum aðeins meira en venjulega.

„Að skora gegn Liverpoool er risastórt fyrir mig. Þar sem ég er stuðningsmaður Everton þá hefur það alltaf verið draumur að skora í leik gegn Liverpool,“ sagði Barkley kátur.

„Annars var þetta stórkostlegur sigur og afar mikilvægur fyrir okkur. Við þurftum á þessu að halda eftir tvo vonbrigðaleiki í röð.“