Enginn greindist með veiruna innanlands í gær

Enginn greindist með kórónuveiruna innanlands í gær, þann 6. september, samkvæmt tölulegum upplýsingum á covid.is.

Þá greindust fimm með veiruna á landamærunum, þar af var einn með virkt smit og er beðið eftir mótefnamælingu hjá þremur. Þá greindist einn með veiruna í seinni skimun eftir að hafa komið hingað til lands.

123 sýni voru tekin innanlands og 1250 sýni á landamærunum.

76 eru í einangrun og 307 í sóttkví. Nýgengi innanlandssmita er 12,5 og nýgengi smita við landamærin 7,4.

Fréttin hefur verið uppfærð.