Í beinni: Vodafonedeildin í CS:GO, Fylkir ógnar sigurgöngu Dusty

Úrvalsliðin etja kappi í Vodafonedeildinni í CS:GO í kvöld. Fjórða umferð deildarinnar fer fram og eru stórleikir í vændum.

Fylkir sem malaði Þór Akureyri í síðustu umferð mætir Dusty í kvöld. Spennandi verður að sjá hvernig stórmeistarar Dusty munu spila gegn hungruðu liði Fylkis.

XY mun mæta sterku liði Þórs sem þó hefur ekki fundið taktinn í deildinni hingað til. Fróðlegt verður að sjá hvernig að XY munu nýta sér heimavallar forskotið.

Lokaleikur kvöldsins verður stórveldið KR á móti reynsluboltunum í Hafinu. KR hefur sýnt glæsilega takta í deildinni hingað til en hafa þó ekki mætt eins sterku liði og Hafinu sem var spáð öðru sæti af sérfræðingum deildarinnar. Þetta er því hörku viðureign í vændum.

Fyrsta viðureign kvöldsins hefst kl 19:30 og verður sýnd á Stöð 2 esport og hér á Vísi.

Leikir kvöldsins verða samkvæmt dagskrá hér að neðan.

19:30 Fylkir - Dusty

20:30 XY - Þór

21:30 KR – HaFiÐ

Útsending hefst 19:15 og stendur yfir fram eftir kvöldi og hægt er að fylgjast með henni hérna.