Birgitta Jónsdóttir selur ævintýraíbúðina

Birgitta Jónsdóttir, fyrrverandi þingmaður Pírata, hefur sett íbúð sína í Sigtúninu á sölu.

Frá þessu greinir Birgitta á Facebook og kveðst hafa tekið ákvörðun um að selja „ævintýraíbúðina mína sem ég hef lagt svo óendanlega mikla vinnu í og elska út af lífinu.“

Þá segist Birgitta alltaf hafa verið „frekar dul með heimahaga og allt það“ en nú sé íbúðin komin inn á sölusíður veraldarvefsins og því „loksins hægt að gera smá innlit til einverupúkans,“ eins og hún orðar það.

Í Facebook-færslu Birgittu hér fyrir neðan má sjá nokkrar myndir af íbúðinni en nánari upplýsingar um eignina má nálgast á fasteignavef Vísis.