„Verður örugglega rætt um þennan árgang sem gullkynslóð“ Ingvi Þór Sæmundsson skrifar 27. október 2020 09:01 Sveindís Jane Jónsdóttir stimplaði sig rækilega inn í íslenska landsliðið í síðasta mánuði. vísir/vilhelm Sif Atladóttir kveðst nokkuð bjartsýn fyrir hönd félaga sinna í íslenska kvennalandsliðinu í fótbolta sem mæta Svíþjóð í undankeppni EM í Gautaborg í kvöld. Sif hefur ekkert leikið á þessu ári en hún eignaðist sitt annað barn í síðasta mánuði. „Ég held að þetta verði hörkuleikur,“ sagði Sif í samtali við Vísi í gær. Ísland og Svíþjóð gerðu 1-1 jafntefli í fyrri leik sínum í undankeppni EM. „Mér fannst þetta bráðskemmtilegur leikur. Þær voru aðeins meira með boltann í fyrri hálfleik, sem er ekkert óeðlilegt, en mér fannst gera vel og þreyta þær aðeins. Ég held að uppstilling okkar hafi komið þeim aðeins á óvart. Við vorum svo miklu betri og ákveðnari í seinni hálfleiknum. Ég held að þetta mark sem var dæmt af okkur hafi kveikt í liðinu,“ sagði Sif og vísaði til marks Söru Bjarkar Gunnarsdóttur skömmu fyrir hálfleik sem fékk ekki að standa. Óþægilegt að verjast löngum innköstum Svo virtist sem löng innköst Sveindísar Jane Jónsdóttur hefðu komið sænska liðinu í opna skjöldu í leiknum á Laugardalsvelli. Mark Íslands, sem Elín Metta Jensen skoraði, kom einmitt eftir langt innkast Sveindísar. Sif segir að þótt löngu innköstin komi Svíum ekki lengur á óvart verði áfram erfitt fyrir þá að verjast þeim. Íslendingar fagna marki Elínar Mettu Jensen gegn Svíum á Laugardalsvellinum.vísir/vilhelm „Þótt maður viti hvað er að fara að gerast er svo mikið sem getur komið upp á. Eins og þegar við skoruðum markið á móti þeim. Það er að erfitt að verjast þessu. Bara að hafa þetta skapar óöryggi hjá andstæðingunum. Það er óþægilegt að verjast löngum innköstum. Það á eftir að hjálpa okkur,“ sagði Sif. Verðum alltaf litla liðið í samhenginu Hún er búsett í Svíþjóð þar sem hún hefur leikið með Kristianstad síðan 2011. Hún segir að Svíar séu sigurvissir fyrir leikinn í kvöld. „Eftir Lettaleikinn á fimmtudaginn var rætt um að Svíþjóð ætti að vinna öll liðin í riðlinum. Auðvitað verður þetta erfiður leikur en engin spurning að Svíar eigi að vinna. Við verðum alltaf litla liðið í samhenginu. Það reikna allir með að Svíar vinni. Þær fengu mikla gagnrýni eftir síðasta leikinn gegn okkur og það var rætt um að þær hefðu verið heppnar að fá stig,“ sagði Sif. Aldamótabörnin svokölluðu slógu í gegn í síðustu landsleikjahrinu. Þær Sveindís, Alexandra Jóhannsdóttir og Karólína Lea Vilhjálmsdóttir voru í byrjunarliðinu gegn bæði Lettlandi og Svíþjóð og léku einstaklega vel. Þá komu þær Hlín Eiríksdóttir, Guðný Árnadóttir og Barbára Sól Gísladóttir einnig við sögu í leikjunum tveimur. Sif er mjög spennt fyrir þessum ungu leikmönnum og segir framtíð landsliðsins sé í góðum höndum. „Þær komu ótrúlega vel inn í liðið og spiluðu ekki eins og þær væru ungar eða smeykar. Það er svolítið skemmtilegt við þessa kynslóð að þær hafa spilað mikið saman í yngri landsliðunum. Maður sér að þær þekkja hverja aðra mjög vel og fótboltaskilningurinn er ofboðslega mikill, í hreyfingum og staðsetningum,“ sagði Sif. Fengu að spila sig saman í U-19 ára landsliðinu Að hennar mati gerði það umræddum leikmönnum gott að spila með yngri landsliðunum í stað þess að koma fyrr inn í A-landsliðið. Margir af umræddum leikmönnum tóku t.a.m. þátt í fræknum sigri U-19 ára landsliðsins á Þýskalandi fyrr á þessu ári. „Fyrir covid var mikil umræða af hverju þessi árgangur hefði ekki komið fyrr inn í landsliðið. En það sem mér finnst svo frábært er að þær fengu að spila saman í U-19 ára liðinu. Í stað þess að tínast ein og ein inn í A-landsliðið fengu þær að spila sig saman. Ég held að það verði örugglega rætt um þennan árgang sem eins konar gullkynslóð eins og strákana sem voru í U-21 árs liðinu. Ég held að það hafi verið ofboðslega mikilvægt fyrir þær að fá þessa alþjóðlegu reynslu saman í sínum aldursflokki. Það er alveg stökk að fara úr U-19 ára landsliðinu í A-landsliðinu,“ sagði Sif. Karólína Lea Vilhjálmsdóttir lék sína fyrstu byrjunarliðsleiki með landsliðinu í síðasta mánuði.vísir/vilhelm „Þetta eru ótrúlega spennandi leikmenn. Þessar stelpur sem spiluðu síðast eru kannski okkar framtíðar leiðtogar. En svo má ekki gleyma restinni af þessum hóp sem hefur verið svo samheldinn. Ég held að við eigum ofboðslega bjarta framtíð í þessum leikmönnum.“ Atvinnumönnunum mun fjölga Sif vonast til að sjá umrædda leikmenn og fleiri til í atvinnumennsku erlendis. Landsliðið þurfi á því að halda. „Ég vona innilega að þær taki skrefið að fara út. Þær eru enn ungar en ég vil sjá þær úti. Maður sér t.d. þroskann sem Sveindís hefur tekið bara með því að fara yfir í Breiðablik. Þær eiga eftir að fara út en hvort það verður á næsta ári eða eftir 2-3 ár verður að koma í ljós. Þær verða að finna hvað er réttast fyrir sig að gera. En við eigum örugglega eftir að sjá aukningu á atvinnumönnunum okkar á næstu árum. Ég vona það allavega. Það er mikilvægt fyrir þær og landsliðið,“ sagði Sif að lokum. EM 2021 í Englandi Mest lesið „Hún reif í mig og hraunaði yfir mig, á Marilegan hátt“ Sport Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Óttast um öryggi fjölskyldunnar og neyðist til að flytja Sport Stöðvuðu bardaga alblóðugrar Valgerðar Sport Aðeins einn löglegur dúkur svo Valur og FH byrja saman í Krikanum Handbolti Var kennari og þjálfaði karlalið þegar hann stýrði kvennalandsliðinu Fótbolti Fleiri fréttir Í beinni: Víkingur - Þróttur | Geta enn komist ofar fyrir lokin „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Sjá meira
Sif Atladóttir kveðst nokkuð bjartsýn fyrir hönd félaga sinna í íslenska kvennalandsliðinu í fótbolta sem mæta Svíþjóð í undankeppni EM í Gautaborg í kvöld. Sif hefur ekkert leikið á þessu ári en hún eignaðist sitt annað barn í síðasta mánuði. „Ég held að þetta verði hörkuleikur,“ sagði Sif í samtali við Vísi í gær. Ísland og Svíþjóð gerðu 1-1 jafntefli í fyrri leik sínum í undankeppni EM. „Mér fannst þetta bráðskemmtilegur leikur. Þær voru aðeins meira með boltann í fyrri hálfleik, sem er ekkert óeðlilegt, en mér fannst gera vel og þreyta þær aðeins. Ég held að uppstilling okkar hafi komið þeim aðeins á óvart. Við vorum svo miklu betri og ákveðnari í seinni hálfleiknum. Ég held að þetta mark sem var dæmt af okkur hafi kveikt í liðinu,“ sagði Sif og vísaði til marks Söru Bjarkar Gunnarsdóttur skömmu fyrir hálfleik sem fékk ekki að standa. Óþægilegt að verjast löngum innköstum Svo virtist sem löng innköst Sveindísar Jane Jónsdóttur hefðu komið sænska liðinu í opna skjöldu í leiknum á Laugardalsvelli. Mark Íslands, sem Elín Metta Jensen skoraði, kom einmitt eftir langt innkast Sveindísar. Sif segir að þótt löngu innköstin komi Svíum ekki lengur á óvart verði áfram erfitt fyrir þá að verjast þeim. Íslendingar fagna marki Elínar Mettu Jensen gegn Svíum á Laugardalsvellinum.vísir/vilhelm „Þótt maður viti hvað er að fara að gerast er svo mikið sem getur komið upp á. Eins og þegar við skoruðum markið á móti þeim. Það er að erfitt að verjast þessu. Bara að hafa þetta skapar óöryggi hjá andstæðingunum. Það er óþægilegt að verjast löngum innköstum. Það á eftir að hjálpa okkur,“ sagði Sif. Verðum alltaf litla liðið í samhenginu Hún er búsett í Svíþjóð þar sem hún hefur leikið með Kristianstad síðan 2011. Hún segir að Svíar séu sigurvissir fyrir leikinn í kvöld. „Eftir Lettaleikinn á fimmtudaginn var rætt um að Svíþjóð ætti að vinna öll liðin í riðlinum. Auðvitað verður þetta erfiður leikur en engin spurning að Svíar eigi að vinna. Við verðum alltaf litla liðið í samhenginu. Það reikna allir með að Svíar vinni. Þær fengu mikla gagnrýni eftir síðasta leikinn gegn okkur og það var rætt um að þær hefðu verið heppnar að fá stig,“ sagði Sif. Aldamótabörnin svokölluðu slógu í gegn í síðustu landsleikjahrinu. Þær Sveindís, Alexandra Jóhannsdóttir og Karólína Lea Vilhjálmsdóttir voru í byrjunarliðinu gegn bæði Lettlandi og Svíþjóð og léku einstaklega vel. Þá komu þær Hlín Eiríksdóttir, Guðný Árnadóttir og Barbára Sól Gísladóttir einnig við sögu í leikjunum tveimur. Sif er mjög spennt fyrir þessum ungu leikmönnum og segir framtíð landsliðsins sé í góðum höndum. „Þær komu ótrúlega vel inn í liðið og spiluðu ekki eins og þær væru ungar eða smeykar. Það er svolítið skemmtilegt við þessa kynslóð að þær hafa spilað mikið saman í yngri landsliðunum. Maður sér að þær þekkja hverja aðra mjög vel og fótboltaskilningurinn er ofboðslega mikill, í hreyfingum og staðsetningum,“ sagði Sif. Fengu að spila sig saman í U-19 ára landsliðinu Að hennar mati gerði það umræddum leikmönnum gott að spila með yngri landsliðunum í stað þess að koma fyrr inn í A-landsliðið. Margir af umræddum leikmönnum tóku t.a.m. þátt í fræknum sigri U-19 ára landsliðsins á Þýskalandi fyrr á þessu ári. „Fyrir covid var mikil umræða af hverju þessi árgangur hefði ekki komið fyrr inn í landsliðið. En það sem mér finnst svo frábært er að þær fengu að spila saman í U-19 ára liðinu. Í stað þess að tínast ein og ein inn í A-landsliðið fengu þær að spila sig saman. Ég held að það verði örugglega rætt um þennan árgang sem eins konar gullkynslóð eins og strákana sem voru í U-21 árs liðinu. Ég held að það hafi verið ofboðslega mikilvægt fyrir þær að fá þessa alþjóðlegu reynslu saman í sínum aldursflokki. Það er alveg stökk að fara úr U-19 ára landsliðinu í A-landsliðinu,“ sagði Sif. Karólína Lea Vilhjálmsdóttir lék sína fyrstu byrjunarliðsleiki með landsliðinu í síðasta mánuði.vísir/vilhelm „Þetta eru ótrúlega spennandi leikmenn. Þessar stelpur sem spiluðu síðast eru kannski okkar framtíðar leiðtogar. En svo má ekki gleyma restinni af þessum hóp sem hefur verið svo samheldinn. Ég held að við eigum ofboðslega bjarta framtíð í þessum leikmönnum.“ Atvinnumönnunum mun fjölga Sif vonast til að sjá umrædda leikmenn og fleiri til í atvinnumennsku erlendis. Landsliðið þurfi á því að halda. „Ég vona innilega að þær taki skrefið að fara út. Þær eru enn ungar en ég vil sjá þær úti. Maður sér t.d. þroskann sem Sveindís hefur tekið bara með því að fara yfir í Breiðablik. Þær eiga eftir að fara út en hvort það verður á næsta ári eða eftir 2-3 ár verður að koma í ljós. Þær verða að finna hvað er réttast fyrir sig að gera. En við eigum örugglega eftir að sjá aukningu á atvinnumönnunum okkar á næstu árum. Ég vona það allavega. Það er mikilvægt fyrir þær og landsliðið,“ sagði Sif að lokum.
EM 2021 í Englandi Mest lesið „Hún reif í mig og hraunaði yfir mig, á Marilegan hátt“ Sport Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Óttast um öryggi fjölskyldunnar og neyðist til að flytja Sport Stöðvuðu bardaga alblóðugrar Valgerðar Sport Aðeins einn löglegur dúkur svo Valur og FH byrja saman í Krikanum Handbolti Var kennari og þjálfaði karlalið þegar hann stýrði kvennalandsliðinu Fótbolti Fleiri fréttir Í beinni: Víkingur - Þróttur | Geta enn komist ofar fyrir lokin „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Sjá meira