Nýir starfsmenn hjá Alfreð

Guðrún Magnúsdóttir hefur verið ráðin viðskiptastjóri atvinnuleitarmiðilsins Alfreðs. Guðrún er með meistarapróf í fjármálum og hefur starfað við viðskiptastjórn og ráðgjöf hjá fjármálafyrirtækjum. Einnig hefur hún reynslu í verkefnastýringu og vörustjórnun úr fjártæknigeiranum.

Hildur Ýr Þráinsdóttir hefur verið ráðin markaðsfulltrúi Alfreðs. Hildur Ýr er með í MSc í vörumerkjastjórnun og markaðsamskiptum frá Syddansk University í Danmörku og BSc í viðskiptafræði með sérsvið í markaðsfræði og alþjóðaviðskiptum frá Háskóla Íslands.

Alfreð er stærsti atvinnuleitarmiðillinn á Íslandi og hafa bæði Alfreð appið og vefurinn alfred.is vaxið hratt frá því Alfreð fór í loftið í febrúar 2013. Í október 2016 opnaði Alfreð fyrir möguleikann fyrir notendur appsins að sækja um störf með Alfreð prófílnum sínum. Í leiðinni opnaði Alfreð stórglæsilegt úrvinnslutól umsókna fyrir fyrirtækin.

Notendur Alfreð appsins skipta tugþúsundum og fjölgar á hverjum degi.

Á vefnum er meðal annars að finna yfirlit yfir námskeið sem hægt er að sækja til að efla sig í starfi og bæta við sig þekkingu. Einnig áhugaverðar greinar, fróðleik og fréttir.