Lífið

Listamennirnir sem koma fram á Aldrei fór ég suður

Elín Margrét Böðvarsdóttir skrifar
Bríet og Mugison eru meðal þeirra sem munu koma fram á Ísafirði um páskana.
Bríet og Mugison eru meðal þeirra sem munu koma fram á Ísafirði um páskana. Daniel Thor/Aldrei fór ég suður

Þrettán tónlistarmenn og hljómsveitir munu koma fram á tónlistarhátíðinni Aldrei fór ég suður sem fram fer á Ísafirði um páskana. Í fyrra fór hátíðin fram með óhefðbundnum hætti í ljósi kórónuveirufaraldursins en í ár stendur til að halda hátíðina með áhorfendum í sal.

„Aldrei fór ég suður verður haldið á Ísafirði um páskana hérna í Edinborgarhúsinu, og hlustaðu nú: Með alvöru tónlistarmönnum uppi á sviði og með alvöru áhorfendum úti í sal. Þetta hljómar eins og lygasaga, ég veit það,“ segir tónlistarmaðurinn Örn Elías Guðmundsson, betur þekktur sem Mugison, í myndbandi sem birt var á Facebook-síðu tónlistarhátíðarinnar í gærkvöldi.

Mugison tók í nóvember við keflinu sem rokkstjóri tónlistarhátíðarinnar en hátíðin er haldin hefur verið um páskana ár hvert á Ísafirði frá árinu 2004.

Í myndbandinu kynnir hann einnig þá listamenn sem fram koma á hátíðinni í ár en það eru Mugison sjálfur, Gugusar, Moses Hightower, Skoffín, Auður, Sólstafir, Júníus Meyvant, Sindri Freyr, Kristín Sesselja, Celebs, Bríet, Hermigerfill og Vintage Caravan.

Aldrei fór ég suður Ísafjarðarbær Tónlist


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.