Rauðvín og klakar: Steindi og félagar spila inn í nóttina

Áhorfendur geta fylgst með í gegnum Stöð 2 Esport og einnig hér á Vísi og Twitch.

Streymi Steinda og félaga á Twitch er stærsta íslenska leikjarstreymið landsins og hafa þeir félagar staðið fyrir flugeldasýningu öll fimmtudagskvöld klukkan 21.

Steindi hvetur fólk til þess að ekki bara fylgjast með heldur einnig að taka þátt í umræðunni í spjallinu við útsendinguna á Twitch en þeir félagar spila í rauntíma.

Hægt er að horfa á beina útsendingu Stöðvar 2 Esport í spilaranum hér fyrir neðan. Á undan þætti Steinda fara fram Framhaldsskólaleikar Rafíþróttasamtaka Íslands þar sem átta framhaldsskólar keppa í beinni útsendingu í tölvuleiknum Rocket League. Leikkonan Donna Cruz mun lýsa því sem fyrir augu ber ásamt Kristjáni Einari Kristjánssyni.