Kristján Þór nýr framkvæmdastjóri Landsbjargar

Í tilkynningu frá Slysavarnafélaginu er haft eftir Þóri Þorsteinssyni, formanni, að Landsbjörg standi frammi fyrir mörgum áskorunum og sumar þeirra snúi að fjármögnun félagsins og eininga þess. Verkefnum Landsbjargar fjölgi sífellt og ábyrgð þess á almannaheill aukist stöðugt.

Þór segist hlakka til þess að vinna með Kristjáni að þessum málum.

Kristján hefur víðtæka reynslu úr fjármálageiranum þar sem hann sat í framkvæmdastjórn Valitor á árunum 2008 til ársins 2019, fyrst sem framkvæmdastjóri markaðs- og viðskiptaþróunar og síðar Alþjóðasviðs félagsins eða þar til hann tók við sem framkvæmdastjóri Valitor á Íslandi árið 2017. Kristján sat einnig í framkvæmdastjórn Spron á árunum 2001 til ársins 2008.

Hann hefur einnig víðtæka reynslu innan íþróttahreyfingarinnar þar sem hann hefur gegnt ýmsum trúnaðarstörfum í gegnum árin.

Kristján er með B.Sc gráðu í markaðsfræðum frá University of Alabama og meistaragráðu í alþjóðamarkaðsfræðum frá sama skóla. Kristján er kvæntur Geirlaugu B. Geirlaugsdóttur kennara og eiga þau 5 börn.