Appel­sínu­gular við­varanir og vegum lokað

Ekkert ferðaveður er en Suðurlandsvegi hefur nú verið lokað milli Hvolsvallar og Víkur. Ekki liggur ljós fyrir hve lengi vegurinn muni vera lokaður og er þeim sem hyggja á ferðalag bent á af lögreglunni á Suðurlandi að fylgjast með upplýsingum um færð og veður á heimasíðu Vegagerðarinnar.

Þá er Nesjavallaleið lokuð og vegir víða á hálendinu sömuleiðis. Þá hefur Suðurlandsvegi milli Kvískers og Freysness sömuleiðis verið lokað.

Vindar á svæðum þar sem viðvaranir eru í gildi gætu náð upp í allt að 28 metra á sekúndu og búast má við snörpum vindhviðum við fjöll. Þá má búast við snjókomu og skafrenningi með lélegu skyggni og varasömum akstursskilyrðum samkvæmt Veðurstofu Íslands.

Ekkert ferðaveður er við Breiðafjörð eins og á Suðurlandi. Þá er fólk varað við því að stunda útivist á meðan veðrið er svona